HİLÂL-İ AHMER MECMÛʻALARI / CİLT 3

1074 ÜçüncüSene 7Cemâziyelevvel sene 1342 / 15Kânûn-ı Evvel sene 1339 (1923) Numara 28 Makâlât ve İʻlânât, Mecmûʻa Müdüriyeti'ne Gönderilmelidir. TÜRKİYE HİLÂL-İ AHMER MECMÛʻASI Derc Edilmeyen Evrâk ve Makâlât İʻâde Edilmez. Her Ayın On Beşinde Neşrolunur. Senelik abonesi bir liradır. Merciʻi: Yerebatan Câddesi'nde Hilâl-i Ahmer Merkezi. Telefon: İstanbul 1783 Hilâl-i Ahmer'e gönderilecek mektûb, para, eşyâ ve bi'l-cümle teberruʻât, "Dersaadet'de Hilâl-i Ahmer Cemʻiyeti Riyâseti" nâmına irsâl edilmelidir. Mündericât: İctimâʻî Hıfzıssıhha – Hilâl-i Ahmer Havâdisi – Mübâdele Faʻâliyeti – Salîb-i Ahmer Havâdisi – Muktebesât – Hilâl-i Ahmer Semt Teşkîlâtı – Fransızca Kısmı – İngilizce Kısmı _______________ İCTİMÂʻÎ HIFZISSIHHA -5- Çiçek Anadolu'nun bunca senelerden beri mücâdele yapıldığı hâlde önüne geçilemeyen ictimâʻî bir hastalığı da çiçekdir. En ücrâ kasaba ve köylere yapılan tesâdüfî bir seyâhatde bile mevcûdiyeti nazar-ı dikkate çar- pan bu âfetin zamân ve imkân bulduğu takdîrde âdetâ tehdîd edici bir salgın hâlini aldığı görülmekde- dir. Fi'l-hakîka bilhâssa Şarkî ve Şimâlî Anadolu'da hemen dâimâ münferid vakʻalar hâlinde bulunan hastalık muhârebe esnâsında ve müteʻâkiben seyl-i muhâceret cereyânları arasında yapılan mücâde- lelere rağmen hükümrân olmuş ve birçok kurbânlar vermişdir. Esâsen Asyaiyyü'l-menşe ve ezmine-i kadîmeden beri beşeriyetde yapdığı tahrîbâtın şiddetiyle maʻrûf olan âfet Avrupa'ya baʻde'l-Mîlâd 600 senesinde sirâyet ve evvelâ cenûb aksâmını tehdîd ede- rek on beşinci asırda Almanya'ya yayılmış ve böylece bütün dünyâyı istîlâ etmesiyle lâ-yuʻad fecâyiʻi mûcib olmuşdur. Bu sebeble hastalığa yakalanmadan on yaşına vâsıl olabilen çocuk on sekizinci asırda hemen muhâl hükmüne geçmiş bulunuyordu. On altıncı asırda İspanyalılar ile Meksika'ya geçen intân yeni bulduğu sâhada üç buçuk mil- yondan ziyâde musâb yapdığı nazar-ı iʻtibâra alınırsa beşeriyet için ne mühim bir düşman olduğu ve mücâdele husûsunda ne derece ehemmiyete alınacağı kolaylıkla anlaşılabilir. Beşeriyet hayâtın kadr ü kıymetini takdîre başlayınca bu düşmana galebe çârelerini de aramağa koyulmuş ve fennin terakkiyâtı sâyesinde aşılanmak esâsâtı meydâna çıkmışdır. Bu sûretle on se-