HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 28 1078 HİLÂL-İ AHMER HAVÂDİSİ Hilâl-i Ahmer Meclis-i Umûmîsi Kânûn-ı Sânî'nin on birinci Cuma günü baʻde'z-zevâl sâʻat ikide İstanbul'da Dârülfünûn Kon- ferans Salonu'nda akd-i ictimâʻ edecek olan Hilâl-i Ahmer Meclis-i Umûmîsi için merkez-i umûmî aşağıya derc etdiğimiz tahrîrât-ı umûmiyeyi merâkize teblîğ etmişdir. Hilâl-i Ahmer Cemʻiyeti Merkezi Riyâset-i Aliyyesi'ne, Dört seneden beri esbâb-ı mücbire dolayısıyla ictimâʻ edemeyen Hilâl-i Ahmer Merkez-i Umûmîsi'nin Kânûn-ı Sânî'nin on birinci Cuma günü baʻde'z-zevâl sâʻat ikide İstanbul'da Dârülfünûn Konferans Salonu'nda akd-i ictimâʻ etmesi mukarrer bulunduğundan Meclis-i mezkûrda nizâmnâ- me-i esâsînin 16, 17, 18'inci mâddeleri ahkâmı mûcebince heyʼet-i merkeziyenizin iki murahhasla temsîl etdirilmesi taʻmîmen ricâ olunur. Rûznâme-i müzâkerât: 1-14 Kânûn-ı Evvel [1]335 [Aralık 1919] târîhinde inʻikâd edip idârî ve mâlî muʻâmelâtı tedkîk etdiği hâlde esbâb-ı mücbire dolayısıyla ikmâl-i mesâʻî edemeyen Meclis-i umûmînin mâlî ve idârî komisyonlarınca ihzâr edilen raporlara nazaran itmâm-ı vezâifi 2-[1]335-[1]338 [1919-1922] senelerine âid icrâât raporunun kırâatı 3-Mezkûr devreye âid hesâbât-ı katʻiyenin ve [1]340 [1924] senesi büdcesinin tasdîki 4-Nizâmnâme-i esâsî projesinin tedkîk ve tasdîki 5-Taltîfât _______________ [94] Semt Teşkîlâtı Heyʼetleri Teşrîn-i Sânî'nin otuzuncu Cuma günü Hilâl-i Ahmer Merkez-i Umûmîsi'nde Kadıköy Şuʻbesi murahhaslarıyla Dersaadet Semt Teşkîlâtı Heyʼetleri mümessillerinin akdetdikleri ictimâʻ-ı umûmîde teşkîlât-ı mezkûrenin sekiz aylık mesâʻîsinin verdiği netâyic-i mesʻûde-i mâddiye hakkında Muhâse- beci Bedri Bey tarafından mukâyeseli bir cedvel heyʼetin nazar-ı ittılâʻına vazʻ edilmiş ve mübâdele-i ahâlî iʻânesi dûr u dırâz mevzûʻ-ı müzâkere oldukdan sonra âtîye derc etdiğimiz tahrîrât-ı umûmiye- nin Cemʻ-i İʻânât Heyʼetleri'ne irsâli takarrür etmişdir. Pek perîşân ve sefîl bir hâlde anavatanına ilticâ edecek olan bedbaht kardeşlerimize, semt teş- kîlâtı heyʼetlerinin ibzâl edeceği muʻâvenet bi-hakkın memleketin şükrânına lâyık olacakdır. "-Cemʻ-i İʻânât Heyʼet-i Muhteremesi'ne, 22 Teşrîn-i Sânî [1]339 [Kasım 1923] târîhli tezkeremizle vâkiʻ olan daʻvet üzerine Teşrîn-i Sânî'nin otuzuncu Cuma günü idâre-i merkeziyede akd-i ictimâʻ eden cemʻ-i iʻânât heyʼetleri bu teş-