HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 28 1081 Heyʼete muhâsebeci ve bir tercümân terfîk edilecekdir. _______________ HİLÂL-İ AHMER CEMʻİYETİ'NİN KÜÇÜK ÇOCUKLARA HİZMETİ Hanımlar Merkezi'nde Çocuklara Süt ve Un Tevzîʻâtı 3 Ağustos [1]339 [1923] târîhinden iʻtibâren Hilâl-i Ahmer Hanımlar Merkezi'nde vâlidelerinin sütü kâfi gelmeyen fakîr, bî-kes, öksüz çocuklara süt ve un tevzîʻâtına başlanmışdır. Tevzîʻâtın bidâyetinde mürâcaʻat edenler beş-on çocukdan ibâret olduğu hâlde az zamân sonra taleb-i muʻâvenetde bulunan vâlidelerin adedi çoğalmış ve Teşrîn-i Sânî nihâyetinde bi'l-muʻâyene süt [ve] un ahzına kesb-i istihkâk edenler kırk çocuğu geçmişdir. Maʻamâfîh bu mürâcaʻatlar tevâlî edegelmişdir. Hilâl-i Ahmer Merkez-i Umûmîsi'nin buna ayırdığı tahsîsât, şimdilik muʻâvenetin tevsîʻine müsâʻid olmadığından Hanımlar Merkezi vukûʻ bulan talebleri maʻalesef tamâmen isʻâf edememek- dedir. Bu hayırkâr teşebbüs ve tecrübe memleketin çocuk sefâletine karşı vâsiʻ teşkîlâtın lüzûmunu ihsâs etmekdedir. Elde mevcûd kuyûdâta nazaran dört ay zarfında 800 kutu süt ile 400 paket un tevzîʻ edilmişdir. Her çocuğa defter-i mahsûsunda ayrı ayrı sahîfeler tahsîs edilerek çocuğun sinni, hüviyeti ve tevârîh-i muhtelifedeki vezni, hastalığı ile tedâvîsi ve iʻtâ olunan muʻâlece ve un mikdârı bu sahîfe- lere kaydedilmekdedir. Çocukların Şerâit-i Kabûlü Fakir hâlini mübeyyin mahallesinden alacağı ilmühaberi mahallî komiserliğine tasdîk etdir- dikden sonra mürâcaʻat edecek her vâlide, Hanımlar Merkezi'nde tabîb-i mahsûs tarafından çocukla berâber muʻâyeneye tâbiʻ tutulur ve tegaddîleri yolunda olmadıkları tebeyyün edenler esâs deftere kaydedilerek ellerine bir fiş verilir ve baʻdehû muntazaman süt ve un almağa başlar. Muʻâyeneye gelince; bu sûretle kaydedilen çocukların her hafta muʻâyene-i sıhhiyeleri ve her on beş günde bir defa veznleri icrâ ve vezn netîcesinde aldıkları gıdâdan bir fâide görüp görmedikleri tedkîk edilir. Veznen tereffuʻ vukûʻunda süt ve un iʻtâsına kemâkân devâm olunur. Aksi takdîrde hastalığın veya veznin esbâb-ı tenezzülü araştırılır ve lüzûmunda muʻâlece de verilir. Şurasını da memnûniyetle kaydediyoruz ki, zaʻîf ve marîz olarak gelen çocukların beş-on gün sonra muntazam ve sıhhî bir gıdâ ve aynı zamânda tabîbin taʻkîbât-ı mütemâdiyesi ve çocuk büyüt- mek husûsunda nesâyih ve irşâdâtı sâyesinde yavaş yavaş iktisâb-ı sıhhat ü âfiyet etdikleri müşâhede edilmekdedir. Çocukların muʻâyene ve tedâvîlerine sarf-ı makderet eden müessesenin fahrî tabîbi Doktor Safiye Ali Hanımefendi'nin kıymetdâr mesâʻîsini burada lisân-ı takdîr ve hürmetle yâd etmeği vazîfe addederiz.