HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 28 1104 Amerika Salîb-i Ahmeri Senelik icrâât raporundan: Amerika Salîb-i Ahmeri'nin 30 Haziran 1923 târîhinde nihâyet bulan senelik raporunda âtîdeki rakamlara tesâdüf ediyoruz: Amerika Salîb-i Ahmeri'nin 1922 senesi Haziran'ından 1923 senesinin aynı târîhine kadar bir senelik masârıf-ı umûmiyesi 9.738.448 dolar olup bunun 2.605.696 doları Yunanistan'a hicret eden Rum muhâcirlerinin tehvîn-i sefâletine sarf edilmişdir. Amerika Salîb-i Ahmeri'nin bu seneki büdcesi 5.543.077 dolardır ve hârice olan muʻâveneti kesilmiş gibidir. Başlıca faʻâliyet memleket dâhiline münhasır kalacakdır. Maʻlûlîne yardım, hastabakıcılık, hıfzıssıhha-i umûmiye, felâkete muʻâvenet, kuvâ-yı berriye ve bahriye hastahânelerine ve Gençlik Salîb-i Ahmeri'ne yardım vazîfelerini derʻuhde eden Ameri- ka Salîb-i Ahmeri bunlardan en ziyâde hıfzıssıhhaya ehemmiyet vermekdedir. Teşkîl etdiği heyʼet-i sıhhiye-i müşâvereye iştirâk eden on tabîbin bu husûsda tanzîm etdiği programda sınıflarda, evlerde takayyüdât-ı sıhhiye, hasta takayyüdâtı, ilk imdâd ve muʻâvenet ve cânkurtaran teşkîlâtı, Gençlik Salîb-i Ahmeri'nin sıhhî kısmı gibi mevâd mündericdir. 1906 San Francisco zelzelesi felâket ve mesâib-i umûmiyeye karşı muʻâvenetin ehemmiyetini tezyîd etmişdir. Salîb-i Ahmer'in ehemmiyeti mekteb çocuklarına kadar teşmîl edilmiş olduğundan geçen sene 5.000.000 çocuk, aʻzâ kaydedilmişdir. Amerika Salîb-i Ahmeri'nin 3.600 merâkiz ve şuʻabâtı vardır. Reîs-i fahrî, Amerika cumhûriyet reîsidir. _______________ MUKTEBESÂT Çıplak ve perîşân bir hâlde anavatana mecbûr-ı ilticâ olan yarım milyondan fazla nüfûs-ı İs- lâm'a karşı Hilâl-i Ahmer'e terettüb eden vezâif cidden pek ağırdır. Maʻamâfîh bu bedbaht insânların gubâr-ı hutuvâtını büyük bir endîşe ve samîmiyet ile taʻkîb eden matbûʻâtın son günlerdeki neşriyât-ı teşvîkkârîsi halkın hissiyât-ı celîle-i fütüvvet-perverîsini tehyîce [114] mühim bir âmil olduğunu kemâl-i şükrânla kayıd ve neşriyât-ı mezkûreyi bu nüshamız- dan iʻtibâren mecmûʻaya derc ediyoruz: "-Muhâcirlere Yardım Yunanistan'daki ahâlî-i müslimenin terk-i diyâra icbâr edildikleri, onların da Türkiye memâliki- ne ilticâya başladıkları maʻlûmdur. Gazetelerin yazdığına göre bu vatan-cüdâ müslümânların yalnız İstanbul'dan geçecek olanları 500 binden fazla imiş. Vâkıʻâ hükûmetimiz dînî, siyâsî ve idârî vazîfesi olmak üzere muhâcirînin nakline, iskânına ve terfîhine gayretden hâlî kalmıyor, hattâ bu husûs için bir de vekâlet ihdâs eyledi. Lâkin evinden, barkından hemen de sıfrü'l-yed olarak çıkarılmış yüz bin-