HİLÂL-İ AHMER MECMÛʻALARI / CİLT 3

1132 Üçüncü Sene 8 Cemâziyâhir sene 1342 / 15 Kânûn-ı Sânî sene 1340 (1924) Numara 29 Makâlât ve İʻlânât, Mecmûʻa Müdüriyeti'ne Gönderilmelidir. TÜRKİYE HİLÂL-İ AHMER MECMÛʻASI Derc Edilmeyen Evrâk ve Makâlât İʻâde Edilmez. Her Ayın On Beşinde Neşrolunur. Senelik abonesi bir liradır. Merciʻi: Yerebatan Câddesi'nde Hilâl-i Ahmer Merkezi. Telefon: İstanbul 1783 Hilâl-i Ahmer'e gönderilecek mektûb, para, eşyâ ve bi'l-cümle teberruʻât, "Dersaadet'de Hilâl-i Ahmer Cemʻiyeti Riyâseti" nâmına irsâl edilmelidir. Mündericât: İctimâʻî Hıfzıssıhha – Hilâl-i Ahmer Meclis-i Umûmîsi – Hilâl-i Ahmer Havâdisi – Mübâdele Faʻâliyeti – Salîb-i Ahmer Havâdisi – Muktebesât – Hilâl-i Ahmer Semt Teşkîlâtı – Fransızca Kısmı – İngilizce Kısmı _______________ İCTİMÂʻÎ HIFZISSIHHA -6- Kel Şarkın ve Anadolu'nun meşhûr bir hastalığı da keldir. Pek eski zamânlardan beri maʻrûf olan âfet ülkemizde ictimâʻî hatâ ve ihmâl yüzünden bir dürlü mündefiʻ olamamış ve bazı menâtıkda âdetâ mihrâklar teşkîl etmişdir. Bu sebeble muʻayyen bazı kurâ ve kasâbât ahâlîsini âfetin başlarına atdığı imzâ dolayısıyla teşhîs bile mümkündür. Fi'l-hakîka umûmî seferberlik esnâsında ahz-ı asker mecâli- sinin yapdığı istatistiklerde Şarkî ve Merkezî Anadolu'nun bazı kurâsında bu ictimâʻî cild hastalığının maʻatteessüf % 80-90 nisbetinde intişâr etdiği görülmüşdür. Bugün bile serîriyât ve hastahânelerimi- ze giren hastaların başlarında hâd, müzmin âfât-ı kırâʻiyeye tesâdüf edilegelmekdedir. Bizde "keloğlan" taʻbîri uzun müddet medâr-ı fahr u şeref telâkkî edilmiş, hattâ târîhe bu husûsa dâir birçok menâkıb bile karışmışdır. El-yevm kel taʻbîri mütemâyiz ve müteʻârif eşhâsın tefrîkinde bile bazen istiʻmâl olunur. Maʻamâfîh hakâreti mutazammın olmak üzere bazı dillerde zebânzed olan "keleş" sözü de bu illete mürâdif olan bir vasıf olarak kalmışdır 1* . Kellik ekser başa bazen de vücûda ârız olan sârî bir illet-i cildiyedir. Âfet 1839 senesinde keş- folunan ve achorion schoenleini denilen bir tufeyl ile sirâyet eder. İnsân ve hayvânâtda müşterek olan hastalık her sinde ve şahısda görülürse de çocuklarda kıyâs kabûl etmeyecek derecede kesîrü'l-vukûʻdur. 1 * Anadolu'nun bazı mahallerinde keleş taʻbîri güzel, iyi mukâbilinde kullanılır.