HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 29 1136 HİLÂL-İ AHMER MECLİS-İ UMÛMÎSİ Hilâl-i Ahmer Meclis-i Umûmîsi, merkez-i umûmî aʻzâ- sıyla taşra merkezleri murahhasları ve İstanbul'da bulunan aʻzâ-yı âmilenin ve birçok kibâr ve fâzılât-ı nisvânın huzûr ve iştirâkiyle Kânûn-ı Sânî'nin on birinci Cuma günü Dârülfünûn Salonu'nda ilk celsesini akdetmişdir. Sâʻat üçde, Reîs-i Fahrî Doktor Besim Ömer Paşa celseyi küşâd ederek şu beyânâtda bulunmuşdur: "-Muhterem hanımefendiler, beyefendiler, Hilâl-i Ahmer'in reîs-i fahrîsi bulunmaklığım münâsebe- tiyle arkadâşlarım Meclis-i umûmînin küşâdına beni meʼmûr etdiler. Bu sene aʻzâ-yı âmile meyânında hanımefendilerin iş- tirâkini görmekle heyʼet-i merkeziye nâmına ve şahsım nâmına da arz-ı teşekkür ediyorum. Maʻlûm-ı âlîleridir ki, bu Meclis-i umûmî [1]335 [1919] senesinde akdolunup da İstanbul'umuzun hâdise-i müellime-i işgâlinden dolayı mesâʻîsine devâm ede- meyen meclisin mâbaʻdidir. Aynı zamânda diğer senelere âid hesâbât da tedkîk edilecekdir. En son kongre, Hilâl-i Ahmer Cemʻiyeti faʻâliyetine devâmla berâber sulhun hitâmında hesâbâtın teftîşine karâr ver- mişdi. Komisyonlar raporlarını verdikleri zamân İstanbul işgâl edilmiş bulunuyordu. Tabîʻî o sırada Hilâl-i Ahmer Cemʻiyeti Kongresi [134] inʻikâd edemedi ve evvelce verilen salâhiyete binâen faʻâliyetine bugüne kadar devâm etdi. O kongrede Topçu Ferîki Rıza Paşa mevkiʻ-i riyâseti işgâl ediyordu. Bugün reîs-i evvel yokdur. Reîs-i sânîlerimiz mev- cûddur. Reîs-i evvel intihâbını teklîf ediyorum, efendim". İsmail Müştak Bey söz alarak aʻzâ meyânında bulun- makda olan Abdurrahman Şeref Beyefendi'nin mevkiʻ-i riyâse- te intihâbını teklîf etdi ve bu teklîf heyʼet-i umûmiyece kabûl edildi. Abdurrahman Şeref Beyefendi kürsî-i riyâsete çıkarak keyfiyet-i intihâbından dolayı heyʼet-i umûmiyeye arz-ı teşek- kür etdi. Baʻdehû Doktor Âkil Muhtar Bey Hilâl-i Ahmer'in bir hulâsa-i icrââtını arz etdikden sonra Mücâhede-i Milliye esnâ- sındaki Hilâl-i Ahmer hidemât ve muʻâvenâtı hakkında îzâhât verdi ve sonra mübâdele mesʼelesi karşısında Hilâl-i Ahmer'e terettüb eden vazîfeleri hulâsa etdi. Reîsicumhûr hazretlerine, kongrenin küşâdına imkân hâsıl olmasına binâen bir teşekkür telgrafı keşîdesi ve Hilâl-i Ahmer Cemʻiyeti'nin reîs-i müşârunileyh hazretlerinin himâye- sine tevdîʻi teklîf edildi. Keyfiyet alkışlarla ve müttefikan kabûl olundu. Hilâl-i Ahmer Meclis-i Umûmîsi'nde İzmir Murahhası Doktor Şahab Sıdkı Bey Dr. Chahab Sidki Bey, délégué de Smyrne au Congrès du C.R.T. Hilâl-i Ahmer Meclis-i Umûmîsi'nde Konya Murahhası Mehmed Yümni Efendi Mehmed Yumni Effendi, délégué de Conia au Congrès du C.R.T.