HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 29 1139 HİLÂL-İ AHMER HAVÂDİSİ Hindistan'a Gidecek Hilâl-i Ahmer Heyʼeti Hindistan'da mübâdele-i ahâlî menfaʻatine iʻâne cemʻine meʼmûr edilen Hilâl-i Ahmer Mer- kez-i Umûmî aʻzâsından Kemal Ömer Bey, Antalya Mebʻûsu Hoca Rasih Efendi ile Hilâl-i Ahmer Muhâsebecisi Bedri Nedim Bey'den mürekkeb heyʼetle refâkatlerinde tercümân sıfatıyla bulunacak olan Tevfik Bey, Kânûn-ı Sânî'nin nısf-ı ahîrinde Dersaadet'i terk edeceklerdir. _______________ Hilâl-i Ahmer Alâmet ve Unvânının Sûistiʻmâli Askerî Cezâ Kânûnnâmesi 'nin yüz doksan dördüncü mâddesine müzeyyel 14 Teşrîn-i Evvel [1]338 [Ekim 1922] târîhli mâdde-i kânûniyede "Hilâl-i Ahmer veya Salîb-i Ahmer idâre teşkîlâtı- na bir irtibâtları olmadığı hâlde Hilâl-i Ahmer veya Salîb-i Ahmer alâmet ve unvânını gerek aynen gerek taklîden her ne sebeb ve sûretle olursa olsun, bilerek istiʻmâl eden veya istiʻmâlini emreden ve bu alâ- metlerden birini kullanılmak üzere istiʻmâl hakkı ol- mayan bir kimseye veren üç aydan bir seneye kadar hapsolunur" denildiği hâlde İstanbul'da bazı dük- kânlar üzerine Hilâl-i Ahmer alâmeti vazʻ ve nâmı muharrer bulunduğu istihbâr edilmiş ve sâlifü'z-zikr dükkânlar ashâbınca işbu alâmetin kasden istiʻmâl edilmeyeceği de tabîʻî bulunmuş olduğundan kânûn ahkâmından haberdâr edilerek bunların dükkânlar üzerinden refʻi husûsu Polis Müdüriyet-i Umûmiye- si'ne bildirilmişdir. New York'da Türk Teʻâvün Cemʻiyeti New York Türk Teʻâvün Cemʻiyeti, Anado- lu'ya nakledilecek muhâcirlerin pek şedîd ihtiyâclar karşısında kaldığını nazar-ı dikkate alarak nakdî, gı- dâî ve iksâî muʻâvenete karâr vermişdir. Cemʻiyet-i mezkûre muhâcirler menfaʻatine tiyatrolar [137] tertîb etmekde ve Amerika'da bu- lunan vatandâşlarımızdan levâzım-ı iksâiye toplamakdadır. Şimdiye kadar ihzâr etdiği on dört sandık muhâcir eşyâsından Praga vapuruyla on sandığını Hilâl-i Ahmer Merkez-i Umûmîsi nâmına yola çıkarmışdır. Hindistan'a gidecek Hilâl-i Ahmer heyʼeti aʻzâsından Kemal Ömer Bey Kemal Omer Bey, membre du C.C.C.R. (faisant partie de la Mission du Croissant- Rouge Turc) qui se rend aux Indes