HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 29 1150 Vazʻ-ı Hamli Takarrüb Eden Vâlideler Selanik'de toplanan muhâcirler arasında tevellüdâtdan vefeyât-ı kesîre vukûʻ bulduğu Hilâl-i Ahmer murahhaslığından istihbâr edilmesi üzerine ıslâhhânede vazʻ-ı haml için sûret-i mahsûsada bir dispanser teʼsîs edilmişdir. Vazʻ-ı hamli takarrüb eden vâlideler işbu dispansere meccânen kabûl ve hattâ araba masârıfı da Hilâl-i Ahmerce teʼdiye edilecekdir. _______________ Muhâcirlere Muʻâvenet Çatalca ahâlî-i muhteremesi tarafından 4.185 lira, Silivri 5.800, Büyükçekmece 1.150 lira muhâcirîn iʻânesi verilmişdir. _______________ Samsun İmdâd-ı Sıhhî Heyʼeti Samsun'a 12 Kânûn-ı Sânî [1]340 târîhinde Reşidpaşa ve Sulh vapurlarıyla vürûd eden sekiz yüze karîb Kavala muhâcirleri heyʼet-i sıhhiye tarafından [145] istikbâl edilerek kadın, zuʻafâ ve ço- cukları kamyonlarımızla misâfirhânelere nakledilmişdir. Vâridînin ahvâl-i sıhhiyeleri şâyân-ı mem- nûniyet bir derecededir. _______________ Mersin İmdâd-ı Sıhhî Heyʼeti Mersin İmdâd-ı Sıhhî Heyʼeti 1 Kânûn-ı Sânî [1]340 [Ocak 1924] târîhinde Mersin'e muvâsa- latla vilâyet ve iskân meʼmûrîni ile temâs ederek hastahâneye elverişli güzel bir binâ tedârük etmişdir. _______________ SALÎB-İ AHMERLER HAVÂDİSİ Almanya Salîb-i Ahmer Mecmûʻası 'nın haftalık ilâvesi Almanya ahvâl-i iktisâdiyesinin vâsıl olduğu derece-i vehâmeti şu sûretle tasvîr ediyor. Havâyic-i zarûriye fiyâtları günden güne, sâʻat be-sâʻat tezâyüd etmekde ve kâğıd markın lâ-yenkatıʻ tenezzül-i kıymeti bazı sunûf-ı ahâlîyi bilhâssa müteessir kılmakdadır. Geçen 15 Teşrîn-i Evvel'de yarım kiloluk ekmeğin fiyâtı 480 milyon mark iken aynı ayın yirmisinde milyara ve 17 Kânûn-ı Evvel'de 440 milyara tereffuʻ etmişdir. Sanâyiʻin hiçbir şuʻbesinde amele ücûrâtı, fiyât-ı eşyânın bu tereffuʻ-ı serîʻini taʻkîb edeme- mekdedir. İşsizlik ise günden güne çoğalmakda ve Berlin'e civâr olan mahallâtda taleb-i muʻâvenet maksadıyla müessesât-ı hayriye idârelerine vukûʻ bulan mürâcaʻât % 20 ve % 25'i bulmakdadır. Berlin, Kongsberg. Leipzig ve Hamburg'da galâ-yı esʻâr netîcesi olarak zuhûr eden iğtişâşâtı