HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 29 1154 MUKTEBESÂT Selanik'de münteşir Yeni Asır gazetesinin 17 Kânûn-ı Evvel sene [1]339 [Aralık 1923] târîhli nüshasından: "-Hilâl-i Ahmer'in Faʻâliyet-i Meşkûresi Felâket dakîkalarında ıztırâb çekenlerin meʼyûsiyetle kararmış gözleri önünde ilâhî bir ışık uyandıran Hilâl-i Ahmer'in faʻâliyet-i mebrûresinden, bugün bir nebze bahsetmek istiyoruz. Târîhin kendilerine küşâd etdiği yolda her dürlü muʻâvenetden, tesellîden mahrûm olarak yürü- yen Makedonya Müslümânları sefâletlerini bir kardeş gözüyle gören, elemlerini teskîne koşan müş- fik ve rehâkâr bir elin muʻâvenetine muhtâc bulunuyorlardı. Bu ümidin husûlü gecikmedi. Muhtelit Mübâdele Komisyonu'nda Türkiye Hilâl-i Ahmer Merkez-i Umûmîsi'ni temsîl eden Doktor Ömer Lütfi Bey milletdâşlarının ihtizârını görmüş, onların en âcil ihtiyâclarını hissetmişdi. Müşârunileyhin gösterdiği lüzûm üzerine Hilâl-i Ahmer Cemʻiyeti Doktor Mahir Bey'in riyâseti altında Selanik'e bir imdâd-ı sıhhî heyʼeti iʻzâm etmişdi. Selanik'e gelen heyʼet dâhilden ilticâ etmiş binlerce felâketzede- nin ihtiyâcât-ı ibtidâiyesini teʼmîn etmek, hastalarını gözetmek, milletimizin bu muʻazzam bâdireden yeni kurbânlar vermesine mâniʻ olmak gibi ağır bir hizmet karşısında bulunuyordu. Sefâletin vüsʻati aʻzamî bir faʻâliyet gösterilmesini îcâb ediyordu. Heyʼetin muhterem erkânı geceli gündüzlü çalışarak en fecîʻ bir şekil alan sefâletin kısmen önüne geçmeğe muvaffak oldular. İmdâd-ı Sıhhî Heyʼeti biri ıslâhhânede, diğeri Alacamescid'de iki dispanser ve ayrıca ıslâhhâne dâhi- linde 25 yataklık bir hastahâne küşâd etmek sûretiyle faʻâliyet-i meşkûresine başlamışdır. Dispanserlere yevmiye 200-300 hasta mürâcaʻat etmekde, bunların etıbbâ tarafından muʻâye- neleri icrâ edilerek ilâcları meccânen verilmekdedir. Hastahâne her gün için hemen kâmilen dolu gibidir. Az zamân içerisinde Selanik'de müctemiʻ [149] muhâcirlerin sıhhî muʻâvenetlerini teʼmîn eden heyʼet ikinci derecede iʻâşelerini teʼmîne gayr-ı muktedir bulunan fukarâ ve acezenin infâk u iʻâşesini derʻuhde etmişdir. Son günlerde iʻâşe edilen muhtâcîn mikdârı yevmiye 900 kişiyi tecâvüz etmekdedir. Nüfûs başına 300 gram ekmek, sebzevâtlı çorba veriliyor. Hilâl-i Ahmer Cemʻiyeti'nin verdiği ekmek ve aşın mevâdd-ı gıdâiyesi şehrimizde diğer müessesât aşhânelerinin dâimâ fevkinde kalmışdır. Binlerce dîndâşımızın hayâtını kurtaran İmdâd-ı Sıhhî Heyʼeti'nin dispanser, hastahâne ve aş- hânedeki vezâifinden dolayı Türkiye Hilâl-i Ahmer Heyʼeti Merkez-i Umûmîsi'ni tebrîk ve Türki- ye'nin bu pek şerefli ve yüksek müessesesinin devâm-ı muvaffakiyâtını temennî eyleriz. Bütün bu mesâʻîye ilâveten Selanik İmdâd-ı Sıhhî Heyʼeti Türkiye'ye nakledilen kardeşleri- mize bilâ-istisnâ çiçek aşısı tatbîk etmekde ve vapurlarda hastaları ayrıca tedâvî eylemekdedir. Her vapura bir tabîb ve lüzûmu kadar hastabakıcı terfîk edilerek muhâcirlerin ahvâl-i sıhhiyelerine müş- fikâne alâka gösterilmekdedir. Hulâsa, mübâdele-i ahâlî mesâʻîsinde Hilâl-i Ahmer Merkez-i Umûmîsi'nin büyük bir hisse-i şerefi mevcûddur. Türk milleti bu mesâʻîyi ebedî bir hüsn-i şükrânla yâd edecekdir. Biz Makedonyalıların bu şükrânımızı ibrâz etmemiz, derhâl vüsʻ ve iktidârımız dâhilinde Hilâl-i Ahmer'e muʻâvenet etmekle kâbildir. Yaramızı saran eli takviye etmek herkesden evvel bizim vazîfemizdir. Zengin, fakîr bütün milletdâşlarımız bunu takdîr ediyorlar". ***