HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 30 1207 Çünkü nizâmnâme-i esâsî mûcebince vezâif-i icrâiye ile mükellef olan merkez-i umûmînin kendi- sine merbût bulunan müessesât-ı muhtelifede muʻâmelâtın matlûb vechile cereyân edip etmediğine husûl-i ıttılâʻ maksadıyla kendi aʻzâsı meyânından intihâb etdiği zevâta bu müessesâtı teftîş etdirme- leri müfettişler dahi dâhil olmak üzere merkez-i umûmînin bi'l-cümle muʻâmelât ve icrââtı heyʼet-i umûmiyesinin hâric bir kuvvet tarafından teftîşi değildir. Maksûd olan ve ihdâsı lâzım gelen emr-i teftîş, ancak merkez-i umûmî heyʼetinden hâric ve kongrece müntehab müstakil bir heyʼet-i teftîşiye tarafından icrâ edilmeke husûl-pezîr olabilir. Yoksa merkez-i umûmî aʻzâlarının mesʼûliyet-i müşterekesi altında cereyân eden anbâr muʻâ- melâtının aynı zamânda müfettiş olan zât maʻrifetiyle tedvîr edilmesi, kendilerince en ziyâde emni- yet-bahş bir şekl-i icrâ olup olsa olsa aynı zâtın diğer husûsâtı teftîşine mâniʻ olur. Bu ise el-yevm fî mâ-baʻd her sene zamân-ı muʻayyeninde ictimâʻına bir mâniʻ mutasavver olmadığı cihetle hâiz olduğu hakk-ı teftîşin mevcûd nizâmnâme mûcebince şimdiye kadar olduğu gibi intihâb edilecek zevât tarafından Meclis-i umûmînin devâmı müddetince veyâhûd muʻâmele-i teftîşiyenin müstemir ve mütemâdî bir sûretde cereyânını teʼmînen gelecek kongrede intihâb edilecek olan idârî ve mâlî komisyon aʻzâlarının şimdiden tefrîki ile kendilerine vazîfe-i teftîşin tahmîli vârid-i hâtır olmakda ve bu cihet heyʼet-i aliyyenizce mazhar-ı kabûl olur ise nizâmnâme-i esâsîde ona göre taʻdîlât icrâsı îcâb etmekdedir. Hilâl-i Ahmerce zamân-ı sulh ve ahvâl-i âdiyede îfâ edilecek hidemât, muttarid ve müstekar ol- mak şartıyla semere-bahş olacağından zarûret-i ahvâl dolayısıyla nâ-tamâm kalmış olan taʻlîmâtnâme ve nizâmnâmelerin tanzîm ve ikmâli îcâb eder. Dokuz senelik pür-şeref ve muvaffakiyet bir mâzînin telkîn eylediği emn ü iʻtimâda ibtinâen Hilâl-i Ahmer'in müstakbelde her cihetçe numûne-i imtisâl olacak bir müessese hâlinde idâme-i mevcûdiyet edeceğine komisyonumuz emîndir. Hâtime-i maʻrûzât olarak şurasını bir mecbûriyet-i vicdâniye olarak tasrîh ve teklîf eyleriz ki, harb vesâir âfât-ı beşeriyenin tevlîd eylediği mesâib ve fecâyiʻ-i muhtelifenin tehvîn-i âlâmı mak- sadıyla insâniyet-i mütehassisenin seve seve muʻâvenet-i nakdiyede bulunduğu Hilâl-i Ahmer, me- bâliğ-i müterâkimesini el-hak mâ-vuziʻa lehine sarf etmiş ve en büyüğünden en küçüğüne kadar bi'l-cümle meʼmûrîn ve müstahdemîn vazîfelerini îfâya pek büyük bir aşk ve îmân ile bezl-i makderet eylemiş olduklarından haklarında heyʼet-i aliyyelerinin takdîrât-ı mahsûsasının râyegân buyurulma- sını ve münâsib mükâfât-ı nakdiye ile taltîflerinin karâr-ı âlîlerine iktirânını istidʻâ ile hatm-i makâl eyleriz. İdâre Komisyonu [190] ARÂZÎ-İ MİLLİYEDE ECNEBÎ SALÎB-İ AHMER FAʻÂLİYETİ Millî Salîb-i Ahmer Merkez-i Umûmîsi'nden istihsâl-i müsâʻade edilmeksizin bir memleketde ecnebî Salîb-i Ahmer şuʻbelerinin teşekkül etmesi, ecnebî Salîb-i Ahmer unvân ve alâmetinin istiʻmâ- li, murahhaslık ihdâsı, Amerika, Arjantin, Brezilya, Meksika, Almanya ve Yunan gibi birçok Salîb-i Ahmer Cemʻiyetlerinin iʻtirâzât ve şikâyâtını daʻvet etdiğinden Beynelmilel Cenevre Salîb-i Ahmer Komitesi mesâil-i mezkûrenin tedkîkini 1921 târîhinde münʻakid Onuncu Salîb-i Ahmerler Konfe- ransı'nın rûznâme-i müzâkerâtına idhâl etmiş idi. Birçok münâkaşât ve müzâkerâtdan sonra konferansın arâzî-i milliyede teessüs edecek ecnebî Salîb-i Ahmer teşkîlâtı için tertîb ve teklîf eylediği ahkâm ve tedâbîri hulâsaten aşağıya naklediyoruz: