HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 30 1210 Sâdisen: İhtilâf zuhûrunda İsviçre Salîb-i Ahmer İdâre-i Merkeziyesi ve derece-i ahîrede Bey- nelmilel Salîb-i Ahmer Komitesi ihtilâf-ı vâkiʻi halle daʻvet edilebilir. Sâbiʻan: İsviçre arâzîsinde teşekkülüne müsâʻade edilen ecnebi Salîb-i Ahmerleri hakkında İsviçre Salîb-i Ahmeri, Beynelmilel Komite'ye maʻlûmât verecek ve iʻtâ edilmiş olan müsâʻade, vâ- sıta-i neşriyâtıyla iʻlân olunacakdır. -3- Ecnebî Salîb-i Ahmer teşkîlâtı İsviçre Salîb-i Ahmeri misillü memleketin kavânîn ve nizâmâtı- na tevfîk-i harekete mecbûrdur. -4- İsviçre'de şuʻbeler teʼsîsine meʼzûniyet istihsâl etmiş olan cemʻiyât-ı milliye-i ecnebiye işbu nizâmnâmede muharrer aynı şerâit dâhilinde kendi memleketlerinde İsviçre Salîb-i Ahmer Cemʻiye- ti'nin şuʻabât küşâd ve teʼsîs etmelerine müsâʻade edeceklerini taʻahhüd ederler. -5- İşbu nizâmnâme ahkâmı mâ-kabline de şâmil olduğundan mündericâtına tevfîk-i muʻâmele etmek üzere ecnebî Salîb-i Ahmer teşkîlâtına üç ay mehil iʻtâ edilmişdir. İşbu nizâmnâme İsviçre'de teessüs eden ecnebî Salîb-i Ahmerleri teşkîlâtına ve Beynelmilel Salîb-i Ahmer Komitesi'ne hemen teblîğ edilmişdir. _______________ HİLÂL VE SALÎB-İ AHMER CEMʻİYETLERİNDE İLK İMDÂD TEŞKÎLÂTI Bugün her millî Salîb-i Ahmer Cemʻiyeti ilk imdâd ve muʻâvenet dersleri tertîb etmekde ve bu şuʻbe-i faʻâliyet hemen hepsinin programına dâhil bulunmakdadır. Bir memleketde yapılacak ilk imdâd teşkîlâtı o memleketin menâbiʻ-i vâridâtıyla ihtiyâcâtına ve bu husûsda mevcûd mülkî ve askerî hükûmet teşkîlâtına ve Salîb-i Ahmer'inin derece-i inkişâfına göre tertîb ve tanzîm edilmekdedir. Birçok memleketlerde Salîb-i Ahmer hâricinde kalan cemʻiyetler bile bu teşkîlâtla teşrîk-i mesâʻî ederek halka ilk imdâd usûllerini öğretmekdedir. 1880 târîhinde teşekkül edip bugün mikdâr-ı aʻzâsı 17.000 kişiye bâliğ olan İsviçre'nin Samari- tenler Cemʻiyeti zikretdiğimiz bu gibi husûsî cemʻiyetler meyânındadır. Diğer bazı memleketlerde imdâd ve muʻâvenet teşkîlâtının harb zamânlarında orduya ilk muʻâ- veneti [193] ihzâr ve techîz eylediği de görülmekdedir. Ez-cümle İtalya'da Salîb-i Ahmer ilk imdâd teşkîlâtı, ordu idâre-i sıhhiyesi tarafından seferber hâle vazʻ olunarak ordunun mâlı addedilir ve bu teşkîlâta Salîb-i Ahmer yalnız bir murahhas terfîk eder. Salîb-i Ahmer Cemʻiyetlerinin ekserîsi, harb veya iğtişâş-ı dâhilî zuhûrunda orduya merbût kal- mak üzere kadın hastabakıcılarla erkek hastabakıcı muʻâvinlerini ilk imdâd ve muʻâvenet teşkîlâtına idhâl ederler.