HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 30 1216 Âsaf Bey, Batbatzâde Nuri Efendi ihrâz-ı ekseriyet etmişlerdir. İnʻikâd eden Meclis-i umûmîde Ga- ziantep'i temsîl etmek üzere Mekteb-i Harbiye Müdürü Mîralây Hayri Bey ile sâbık Mebʼûs Kilisli Abdurrahman Lâmiʻ Efendi murahhas intihâb edilmişlerdir. _______________ Yüksek Rûhlu İki Türk Çocuğu İskilip Şuʻbe Reîsi Binbaşı Hasan Tahsin Efendi'nin mahdûmlarından Mahmud Faik ve Muzaf- fer Kemal Beyler pederlerinin verdiği gündeliklerden toplayabildikleri yüzer kuruşdan iki yüz kuruşu mahviyetkâr bir mektûbla Ankara Hilâl-i Ahmer Merkezi'ne göndermişlerdir. Türk'ün yüksek ve asîl rûhunu taşıyan bu çocukların zenginlerimize hüsn-i misâl olacağını ümîd eyleriz. _______________ MÜBÂDELE-İ AHÂLÎ İMDÂD-I SIHHÎ HEYʼETLERİ Geçen nüshamızda derc etdiğimiz imdâd-ı sıhhî heyʼetlerinden sonra teşkil ve iʻzâm edilen heyʼetler de şunlardır: 41'inci Kayalar Heyʼeti bir tabîb, bir eczâcı, iki hastabakıcı, dört meʼmûr ve sekiz hademeden müteşekkildir. 42'nci Kozana Heyʼeti bir tabîb, bir eczâcı, iki hastabakıcı, dört meʼmûr ve sekiz hademeden müteşekkildir. Bu iki heyʼetin başlıca vazîfeleri iʻâşe işleriyle iştigâl etmekdir. _______________ Yeni Gelen Mübâdeleye Tâbiʻ Ahâlî 19 Kânûn-ı Sânî 1340 [Ocak 1924] târîhinden Şubat'a kadar Selanik, Kavala ve Girid limanla- rından tâlî komisyonlar maʻrifetiyle Türkiye'ye sevk edilen ahâlî: Vapurun İsmi Mahall-i Hareketi Muhâcirîn Adedi Târîh-i Hareketi Trabzon Girid'den 1.200 19 Kânûn-ı Sânî Giresun Selanik'den 2.586 20 Kânûn-ı Sânî Kırzâde Selanik'den 2.526 22 Kânûn-ı Sânî Akdeniz Kavala'[dan] 2.340 30 Kânûn-ı Sânî _______________ 32'nci İstanbul İmdâd-ı Sıhhî Heyʼeti'nin Bir Aylık İstatistiği İstanbul İmdâd-ı Sıhhî Heyʼeti'nin geçen Kânûn-ı Sânî ayının faʻâliyeti ber-vech-i zîrdir: Hastahâne: Girenler 67, çıkanlar 46, vefât eden yok. Dispanser: Ayakda muʻâyene olanlar 1.265, aşı olanlar 1.932. Bundan başka 32'nci İmdâd-ı Sıhhî, İstanbul'[un] muhtelif hastahânelerine 35 kişi göndermişdir.