HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 30 1219 36'ncı Mudanya İmdâd-ı Sıhhî Heyʼeti Mudanya İmdâd-ı Sıhhî Heyʼeti Hastahânesi'nin yevm-i küşâdı olan 20 Kânûn-ı Evvel [1]339 [Aralık 1923] târîhinden Kânûn-ı Sânî [1]340 [Ocak 1924] gâyesine kadar berây-ı muʻâyene ve te- dâvî mürâcaʻat edenlerin mikdârı 502 kişidir. Selanik, Cuma-i Bâlâ ve Sırbiye muhâcirlerinden 69 kişiye ceket, pantolon, kaput, gömlek, iç çamaşırı, ayakkabı vesâire olmak üzere 301 parça eşyâ tevzîʻ edilmişdir. Bursa İʻmâr ve İskân Müdüriyeti'nin heyʼete vukûʻ bulan mürâcaʻatı üzerine Bursa vilâyetinde- ki muhtâc-ı muʻâvenet muhâcirîne 120 ceket, 120 pantolon, elli beş kaput, 32 dolak, 120 yeni fanila, 20 yelek, 125 çift çorap ki, cemʻan yekûn 587 yarça eşyâ iʻtâ edilmişdir. Gemlik'de iskân edilmekde olan muhâcirîn için mikdâr-ı münâsib eşyâ bi't-tefrîk mahalline sevk olunmuşdur. _______________ SALÎB-İ AHMERLER HAVÂDİSİ Amerika Salîb-i Ahmer Cemʻiyeti'nin Raporu Cemâhîr-i Müttefika-i Amerika Salîb-i Ahmeri, 1 Temmuz 1922 - 30 Haziran 1923 senelik rapo- runu neşretmişdir. Amerika Salîb-i Ahmeri'nin müddet-i [200] mezkûre zarfındaki vâridâtı 4.890.000 ve masârıfı 6.500.000 dolar olup senelik büdce 1.619.000 dolarlık bir açık ile kapanıyor. Aʻzânın âidât-ı seneviyesi 2.070.000 ve aʻzâ sıfatıyla bulunan mekteb talebesinin âidât-ı sene- viyesi 300.000 dolara bâliğdir. Cemʻiyetin masârıf-ı müteferrikası büdcesi 422.044 dolar olup bu yekûnden 41.074 dolar Ame- rika Salîb-i Ahmer Mecmûʻası masârıfına ve 229.299 dolar da cemʻiyete aʻzâ kaydetmek için yapılan propaganda masârıfına sarf edilmişdir 3 . Paranın şimdiki kambiyosuyla bir dolar, 140 kuruş demekdir. _______________ Lehistan Lehistan Salîb-i Ahmer Cemʻiyeti Reîsi General Hallerk geçen sene Amerika'yı ziyâretinde Le- histan'ın en yüksek nişânlarından biri olan "Polonya Restitüta" yani "İhyâ Edilmiş Polonya" nişânını Amerika Salîb-i Ahmeri'ne tevdîʻ etmişdir. Nişân, Salîb-i Ahmer Cemʻiyeti erkânı huzûrunda Salîb-i Ahmer bayrağına merâsim-i mahsûsa ile iğnelenmişdir. Danimarka Danimarka Salîb-i Ahmeri'nin geçen sene tertîb etdiği "Salîb-i Ahmer Haftası" hâsılâtı 70.000 Danimarka kronuna bâliğ olmuşdur. _______________ 3 Hilâl-i Ahmer kongresi, Hilâl-i Ahmer Mecmûʻası 'nın masârıfı için 1.700 ve aʻzâ kaydetmek demek olan semt teş- kîlâtı için 3.000 lira tahsîsât vermişdir. (Heyʼet-i Tahrîriye)