HİLÂL-İ AHMER MECMÛʻALARI / CİLT 3

1240 Üçüncü Sene 9 Şaʻbân sene 1342 / 15 Mart sene 1340 (1924) Numara 31 Makâlât ve İʻlânât, Mecmûʻa Müdüriyeti'ne Gönderilmelidir. TÜRKİYE HİLÂL-İ AHMER MECMÛʻASI Derc Edilmeyen Evrâk ve Makâlât İʻâde Edilmez. Her Ayın On Beşinde Neşrolunur. Senelik abonesi bir liradır. Merciʻi: Yerebatan Câddesi'nde Hilâl-i Ahmer Merkezi. Telefon: İstanbul 1783 Hilâl-i Ahmer'e gönderilecek mektûb, para, eşyâ ve bi'l-cümle teberruʻât, "Dersaadet'de Hilâl-i Ahmer Cemʻiyeti Riyâseti" nâmına irsâl edilmelidir. Mündericât: İctimâʻî Hıfzıssıhha – 1340 Senesi Hilâl-i Ahmer Kongresi – Hilâl-i Ahmer Havâdisi – Mübâdele – Salîb-i Ahmerler Havâdisi – Frenginin Menʻ-i Sirâyeti Hakkında Kânûn ve Taʻlîmâtnâme – Samsun Vilâyetinde Tayy-i Cevelân – Muktebesât – Fransızca Kısmı – İngilizce Kısmı _______________ İCTİMÂʻÎ HIFZISSIHHA -8- Sinekler ve Hastabakıcılar Dostlarımızdan bir zât İstanbul'un oldukça temiz hammâmlarından birinde istihmâmı müteʻâ- kib dâhil olduğu hücre-i istirâhatde dört tarafdan maʻrûz kaldığı sinek hücûmunu elinin harekât-ı mü- temâdiye ve mütelâşiyânesiyle defʻ u tard ile meşgûl olduğu bir sırada bu sevimsiz haşerâtı niçin itlâf etmediklerine dâir hammâm müstahdemînine îrâd etdiği suâle efendilerinin "günâhdır!" diye buna mâniʻ olduğu cevâbını aldığını bize tafsîlâtıyla ve kemâl-i hayretle hikâye etmiş idi. Diğer bir refî- kimiz de mühim bir vilâyet merkezinde geçirmiş olduğu birkaç günlük müsâfereti esnâsında devâm etdiği lokantada peçetesiyle yemek tabaklarını yelpâzelemedikçe sineklerin izʻâcâtından taʻâm etmek mümkün olamadığını anlatmış idi. Bu iki vakʻanın zamân-ı hudûsu kış mevsimine tesâdüf etmesine rağmen sevk-i cehâlet ve merhametle üremesine meydân verilen bu müzʻic ve muzır hayvânâtın bilhâssa yazın bakkâl, manav, kassâb, südcü, ekmekçi, tatlıcı ve pastacı ve emsâli dükkânlarla lokanta, otel, hân ve kahvehânelerde esbâb-ı tekessürünü bu vechile îzâh ve tesbît etdikden sonra sineklerin hayât-ı ferdiye ve ictimâʻi- yemizde îrâs etdikleri ve edecekleri mazarratların hıfzıssıhha-i ictimâʻî nokta-i nazarından tedkîkini biraz ileriye terk ederek evvel emirde Salîb-i Ahmerler Heyʼet-i İttihâdiyesi'nin vâsıta-i neşriyâtı olan Sıhhate Doğru nâm aylık mecmûʻanın geçen nüshalarından birinde "Sıhhat-ı Umûmiye Nedir?" sernâmesi altında musâdif-i nazar-ı mütâlaʻamız olan makâlesini bu münâsebetle [210] burada birkaç satırla tavtıʻeten hulâsa etmek istiyoruz.