HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 31 1247 nan intihâbda İsmail Besim Paşa 110, Celâl Muhtar Bey 109, Sadeddin Ferid Bey 101, Abdurrahman Şeref Bey 96, Kuddusi Bey 75 reʼy ile merkez-i umûmî aʻzâlığına intihâb olundukları anlaşıldı. 6-[1]335 [1919] senesi Meclis-i umûmîsinin inʻikâdından sonra merkez-i umûmî aʻzâsından [216] Nazif, İbrahim, Hüseyin Hilmi, Talat Paşalarla, Mavrokordato Efendi ve Bahaeddin Şakir ve Salahaddin Beyler vefât ve yeni aʻzâdan Said, Kasım İzzeddin, Asadoryan, Sâtıʻ, Mehmed Arif Bey- lerin istiʻfâ eyledikleri beyânıyla yerlerine Adliye Nâzır-ı esbakı Celâl, Eczâcı Edhem Pertev, Daʻvâ Vekîli Hasan Hayri, Rauf Ahmed, Tıb Müderrisi Reîsi Vasfi ve Hâriciye Vekâleti mensûbîninden Nusret Beylerin intihâbı merkez-i umûmîce tensîb edilmiş olduğu beyânıyla intihâb-ı vâkiʻin tasdîki- ne dâir merkez-i umûmîye verilen takrîr okunarak kabûl olundu. 7-Salîb-i Ahmerler İttih âdı'na Hilâl-i Ahmer'in de dâhil olması için teklîf vukûʻuna intizâr edildiği Âkil Muhtar Bey tarafından beyân olunduğundan bu bâbda cereyân edecek muhâbere ve muʻâmelenin ikmâline taʻlîk-ı müzâkeresi karârgîr oldu. 8-Hilâl-i Ahmer'e muʻâvenetleri sebk eden 17 zâta verilmesi takarrür eden altın madalyalar hakkında ittihâz-ı karâr olunmasına dâir merkez-i umûmînin teklîfi müttefikan kabûl edildi. 9-Hilâl-i Ahmer Cemʻiyeti riyâseti, Reîsicumhûr Gâzî Paşa hazretlerinin himâye-i âlîlerine tev- dîʻ kılındığı beyânıyla nizâmnâme-i esâsînin birinci mâddesinin bu sûretle taʻdîli îcâb edeceğine dâir 10'uncu mâddede muharrer olduğu üzere aʻzâ-yı müessisenin yüz Türk aʻzâya iblâğı zımnında vefât veya sâir sûretle ayrılan aʻzâ-yı müessisenin yerlerine dühûl târîhi ve kayıd numarası tertîbi ile aʻzâ- yı âmile meyânında heyʼet-i merkeziyece tefrîk ve Meclis-i umûmînin ilk ictimâʻında arzı hakkında verilen takrîr nizâmnâme encümenine havâle olundu. 10-Merkez-i umûmî heyʼet-i muhteremesine teşekkürü hâkî Konya Murahhası Mehmed Yümni Efendi'nin takrîri okunarak heyʼet-i merkeziyeye alenen beyân-ı takdîrât edildi. 11-Hind heyʼetine kongre nâmına selâm gönderilmesi ve Hind müteberriʻîn-i İslâmiyesi'ne kongre nâmına arz-ı teşekkür olunması hakkında Besim Ömer Paşa hazretlerinin teklîfi kabûl olundu. 12-İki sene evvel riyâset-i fahriyeye intihâb edilmiş olan Besim Ömer Paşa'nın tasdîk-i intihâbı aʻzâdan Hamdi Suad Bey'in teklîfi üzerine muvâfık görüldü. 13-Beykozlu Hacı Mustafa Bey'in bin liradan fazla iʻâne verdiği beyânıyla mûmâileyhin de bir altın madalya ile taltîfi hakkında verilen takrîr berây-ı tedkîk heyʼet-i merkeziyeye iʻâde olundu. 14-Vilâyetlerde bulunan heyʼet-i merkeziyede büyük hizmetlerde bulunan zevâta takdîrnâme- ler tastîri hakkında Mehmed Yümni Efendi'nin teklîfinin heyʼet-i merkeziyece tedkîki karârgîr olarak meclisin ikmâl-i vazîfe eylediği taraf-ı riyâsetden bi'l-beyân sâʻat altıda meclis taʻtîl olundu. _______________ HİLÂL-İ AHMER HAVÂDİSİ Yeni Heyʼet-i İdâre Nizâmnâme-i esâsînin yirmi dokuzuncu mâddesine tevfîkan merkez-i umûmî tarafından her sene intihâb edilen heyʼet-i idâre bu sene âtîdeki zevâtdan teşekkül etmişdir: Reîs-i Evvel: İstanbul Mebʻûsu Abdurrahman Şeref Beyefendi