HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 31 1264 İzmit Muhâcirleri Geçen Şubat ayı zarfında Hilâl-i Ahmer İzmit İmdâd-ı Sıhhî Hastahânesi'ne 54 hasta girdiği ve bunlardan dokuzu vefât etdiği, muʻâyene edildiği ve en ziyâde muhtâc-ı muʻâvenet olan 26 muhâcire çamaşır, elbise ve ayakkabı verildiği İzmit Hilâl-i Ahmer İmdâd-ı Sıhhî Sertabîbi raporundan anla- şılmışdır. _______________ Teftîş Kavala, Drama, Selanik ve Kayalar'la o havâlîde bulunan İmdâd-ı Sıhhî Heyʼetlerini teftîş et- mek üzere Dersaadet'den hareket eden Hilâl-i Ahmer müfettişlerinden Doktor Galib Hakkı ve Nazmi Beyler teftîşâta Kavala'dan başlamışlardır. _______________ SALÎB-İ AHMERLER HAVÂDİSİ Mısır Hilâl-i Ahmer Cemʻiyeti Cenevre Merkez Komitesi'nin 1 Şubat 1924 târîhli ictimâʻında Mısır Hilâl-i Ahmeri'ni Salîb-i Ahmerler âilesinin bir rükn-i cedîdi olarak kabûle ve mevcûd millî salîb cemʻiyetlerine tanıtdırmağa karâr vermişdir. 16 Teşrîn-i Evvel 1922 târîhinde Mısır Hükûmeti'nin Cenevre Mukâvelenâmesi'ni kabûl ve tas- vîb etdiği İsviçre nevâhî-i müttehidesi tarafından düvel-i sâire-i mümziyeye teblîğ edilmişdir. 5 Nisan 1923 târîhinde Hükûmet-i Mısriye verdiği karârla Mısır Hilâl-i Ahmeri'nin nizâm- nâme-i esâsîsini tasdîk ve vakt-i harbde ordu heyʼet-i sıhhiyesinin yardımcısı olarak kabûl etdiğini ve bütün hıtta-i Mısriye'de Mısır Hilâl-i Ahmer Cemʻiyeti olmak üzere bu cemʻiyeti tanıdığını iʻlân etmişdir. Mısır Hilâl-i Ahmer Cemʻiyeti Nizâmnâme-i Esâsîsi 1863 mukarrerâtıyla Cenevre Mukâve- lenâmesi prensiplerine tevfîkan tanzîm edilmiş olduğundan Beynelmilel Salîb-i Ahmer'e esâs olan şerâit-i esâsiye ve mütecâniseyi câmiʻdir. Cemʻiyetin reîsi Abdurrahim Sabri Paşa ve merkez-i idâresi Kahire'dedir. Türkiye Hilâl-i Ahmer Mecmûʻası Hilâl ve Salîb-i Ahmerler âilesinin bu nevzâdına arz-ı tebrîkât ve temennî-i muvaffakiyât eylerken tâ Balkan Harbi'nden beri devâm edegelen muhârebât ve fecâyiʻ- de memleketimizin en büyük hayırhâhlarından biri olan muhterem Mısır halkının ibrâz etdiği ulüvv-i cenâb ve semâhati bu münâsebetle de lisân-ı tebcîl ile yâd u tekrâr etmeği vazîfe addeder. _______________ [229] Norveç Salîb-i Ahmeri'nin Alman Çocuklarına Muʻâveneti Norveç Salîb-i Ahmeri Almanya'ya muʻâvenet umûruyla meşgûl olmak üzere husûsî bir komite teşkîl etmişdir.