HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 32 1315 Kozana civârında yedi kilometre mesâfede Karacalar karyesinde Dervişbey Çiftliği heyʼetin merkezi ittihâz edilmiş ve Kozana ile muhâcirînin irkâb istasyonu olmak üzere intihâb edilen Kara- ferye yolunun takrîben vasatında bulunan Ahadovası'nda 35 çadır rekz edilerek yoluna devâm ede- meyecek ahâlînin gece kalmalarına tahsîs edilmişdir. Çadırlarda misâfir kalacak muhtâc muhâcirîn, iʻtâm ve ibâte edilmekdedir. Ahvâl-i sıhhiye umûmiyet iʻtibârıyla iyidir ve emrâz-ı sâriye olmadığı gibi emrâz-ı âdiye de azdır. Şimdilik beş yatak- dan ibâret olan Karacalar Dispanseri Mart'ın dokuzunda küşâd ve ayak vizitesine gelenler muʻâyene edilerek lâzım olan muʻâlecât veriliyor. _______________ İzmit İmdâd-ı Sıhhî Heyʼeti 21 Mart [1]340 [1924]. Arşisi Lagos vapuru 3.773 ve Sulh vapuru 1.666 muhâcirîn ile İzmid'e vâsıl olmuşdur. _______________ SALÎB-İ AHMERLER HAVÂDİSİ Belçika Salîb-i Ahmer Haftası Belçika Salîb-i Ahmer Haftası Nisan'ın altısından on üçüncü gününe kadar devâm edecekdir. Salîb-i Ahmer Haftası'yla Belçika Salîb-i Ahmeri evvelâ harb ve büyük felâketlere karşı bir sermâye teşkîli için teberruʻât cemʻ ve kabûl etmek, sâniyen yeniden çok mikdârda aʻzâ kaydetmek, sâlisen Salîb-i Ahmer için bir faʻâliyet teşkîlâtı ihzâr ederek dâhil-i memleketde hıfzıssıhha mücâdelesinde bulunmak gâyelerini taʻkîb eylemekdedir. [266] Paris Şehri Müessesât-ı Hayriye Hastabakıcılık Mektebi 1907 senesinde teessüs eden Paris şehri Müessesât-ı Hayriye Hastabakıcılık Mektebi Paris'in meşhûr Salpêtrièr Hastahânesi'ne merbût olup gerek tertîbâtı ve gerek tarz-ı tedrîsât-ı mahsûsası has- tabakıcılık mesâili ile alâkadâr ve meşgûl bulunan bi'l-cümle müessesâtça tedkîk ve takdîre lâyık bir müessesedir. Bu mektebe dâhil olacak nâmzedlerden hiçbir diploma taleb edilmez. Yalnız dürûs-ı ibtidâiye üzerine tertîb edilmiş bir programdan nâmzedlerin bir dühûl imtihânı geçirmeleri matlûbdur. Bu imtihân netîcesinde şâyân-ı kabûl görülecek tâlibât meyânında mekteb müdürü, tercîh etdiklerini tefrîk eder. Bu vechile tefrîk edilenlerin mektebe kabûl-i katʻîsinden mukaddem iki ay staj yani mülâzemet devresi geçirmesi şart-ı esâsîdir. İkmâl-i tahsîl etdiği târîhden iʻtibâren mürûr edecek beş sene zarfında mekteb idâresinin emrine ve göstereceği hizmete icâbet edeceğine dâir tâlibâtdan bir taʻahhüdnâme alınır. Mektebin teʼsîsindeki maksad Paris hastahânelerine hastabakıcı yetiştirmek olduğundan bu şart mecbûren vazʻ edilmişdir.