HİLÂL-İ AHMER MECMÛʻALARI / CİLT 3

1344 Üçüncü Sene 10 Şevvâl sene 1342 / 15 Mayıs sene 1340 (1924) Numara 33 Makâlât ve İʻlânât, Mecmûʻa Müdüriyeti'ne Gönderilmelidir. TÜRKİYE Hilâl-i AHMER MECMÛʻASI Derc Edilmeyen Evrâk ve Makâlât İʻâde Edilmez. Her Ayın On Beşinde Neşrolunur. Senelik abonesi bir liradır. Merciʻi: Yerebatan Câddesi'nde Hilâl-i Ahmer Merkezi. Telefon: İstanbul 1783 Hilâl-i Ahmer'e gönderilecek mektûb, para, eşyâ ve bi'l-cümle teberruʻât, "Dersaadet'de Hilâl-i Ahmer Cemʻiyeti Riyâseti" nâmına irsâl edilmelidir. Mündericât: İctimâʻî Hıfzıssıhha – Hilâl-i Ahmer Havâdisi – Muktebesât – Hilâl-i Ahmer Semt Teşkîlâtı – Fransızca Kısmı – İngilizce Kısmı _______________ İCTİMÂʻÎ HIFZISSIHHA -10- Vefeyât-ı Etfâl Serlevhayı teşkîl eden iki kelimenin millet ve memleketimizin istikbâl ve istiklâli husûsunda ne derece alâkadâr olduğunu düşünmek ve ehemmiyete alınmak mevsimi artık hulûl etmişdir. Dün- yâya yerleşerek yaşamağa azmetmiş milletler bu ehemmiyeti senelerden beri idrâk ederek îcâb eden tedâbîre tevessül etmişler ve el-yevm ensâl-i cedîdenin istikbâl ve istiklâllerini tamâmen taht-ı emni- yete almışlardır. Bugün garb milletlerinde hükümrân olan "nüfûs siyâseti" maʻnâ ve medlûlünün şarkda ve memleketimizde henüz tenemmüv etmek üzere olduğuna müessir olmamak elde değildir. Bu cihetle el-yevm cârî olan nüfûs-servet siyâsetinin esâsâtını ihmâl ederek netâyicine lâ-kayd kalmak âtî nok- ta-i nazarından telâfîsi gayr-ı kâbil hüsrânlara sebeb vereceğinden şübhe etmemeliyiz. Ale'l-ıtlâk etfâlin vefeyâtı tabîʻî bir hâldir. İnsân meyvesinin de doğduğundan büyüyünceye kadar birçok emrâza musâb ve kazâlara maʻrûz olacağı bedîhî ve doğan çocukların sinn-i kemâle gelinceye kadar muʻayyen bir nisbetde telef olacakları muhakkakdır. Harb-i Umûmî'den evvel muhtelif memleketlerdeki vefeyât-ı etfâlin nisbeti hakkında âtîdeki erkâmdan pek güzel maʻlûmât alınabilir.