HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 34 1397 [314] HİLÂL-İ AHMER HAVÂDİSİ İmdâd-ı Sıhhî Heyʼetlerimizin Faʻâliyeti [1]340 senesi Nisan ayı zarfında İzmit İmdâd-ı Sıhhî Heyʼeti'ne muhâcirînden 232 adedi çocuk olmak üzere 728 hasta mürâcaʻat eylemiş ve bunlardan 29'u çocuk olmak üzere 117'si imdâd-ı sıhhî hastahânesine yatırılmışdır. Gerek ayakda ve gerek hastahânede tedâvî edilenlerden 54'ü vefât edip 20'si hastahânede taht-ı tedâvîde kalmış ve mütebâkî 652'si tamâmen kesb-i ifâkat eylemişdir. Selanik İmdâd-ı Sıhhî Heyʼeti tarafından Mart ve Nisan ayları zarfında 22.520 muhâcire çiçek ve 37.687 muhâcire de dizanteri aşısı yapılmışdır. Kavala İmdâd-ı Sıhhî Heyʼeti'ne Mart ayı esnâsında 570 hasta mürâcaʻat edip 6'sı hastahâne- ye yatırılmış ve 6'sı maʻatteessüf vefât edip mütebâkî 558 hasta kesb-i ifâkat eylemiş ve bunlardan kuduz köpek tarafından ısırılan bir muhâcirle bir kanserli ve iki muhtâc-ı ameliyât hasta Dersaadet'e sevk edilmişdir. Samsun İmdâd-ı Sıhhî Heyʼeti'ne Nisan ayı zarfında 288'i çocuk olmak üzere 886 muhâcir has- ta mürâcaʻat edip bunlardan 167'si imdâd-ı [sıhhî] hastahânesine yatırılmış, 24'ü taht-ı tedâvîde kalıp 741'i kesb-i ifâkat ve 121'i maʻatteessüf vefât etmişdir. Vefeyâtdan 877'si çocuk ve 18'i ihtiyârdır. İstanbul'da Gülhane İmdâd-ı Sıhhî Heyʼeti'ne 79'u çocuk olmak üzere 104 muhâcir mürâcaʻat edip bunlardan 62'si hastahâneye yatırılmış, 8'i çocuk olmak üzere 16'sı maʻatteessüf vefât edip mü- tebâkî 226'sı kesb-i ifâkat etmişdir. 1778 muhâcire aşı tatbîkâtı yapılmışdır. Mersin İmdâd-ı Sıhhî Heyʼeti'ne Nisan ayı zarfında 121'i çocuk olmak üzere 331 hasta mürâ- caʻat etmişdir. 6 çocuğa hitân ameliyesi icrâ edilmişdir. Mart ayında Kandiye muhâcirlerinden 196 muhâcir tedâvî olunmuşdur. Tekfurdağı İmdâd-ı Sıhhî Heyʼeti'ne 82'si çocuk olmak üzere 294 hasta mürâcaʻat eylemiş ve bunlardan 108'i hastahâneye yatırılıp 272'si kesb-i ifâkat ve 7'si çocuk olmak üzere 9'u maʻatteessüf vefât etmişdir. 13'ü taht-ı tedâvîdedir. Nisan ayı zarfında Kayalar İmdâd-ı Sıhhî Heyʼeti Muʻâyenehânesi'ne 157'si çocuk olmak üzere 958 muhâcir mürâcaʻat etmiş ve ilâcları meccânen iʻtâ edilmişdir. Mart ayı zarfında 373 hastanın muʻâyenesi icrâ edilmiş ve sol bacağı kangren olan bir hastaya lâzım gelen ameliyât icrâ olunarak muvaffakiyetle netîcelenmişdir. Mart esnâsında Kayalar'da 8.989 muhâcire çiçek aşısı yapılmışdır. Kalikratya İmdâd-ı Sıhhî Heyʼeti'ne Nisan ayı zarfında 195 hasta mürâcaʻat edip 38'i hastahâ- nede ve mütebâkîsi ayakda taht-ı tedâvîye alınmışdır. Bunlardan beşi vefât eylemiş, 188'i ifâkat bulmuşdur. İkisi taht-ı tedâvîdedir. Drama mıntıkasında Nisan [1]340 [1923] zarfında dispanserlerimize mürâcaʻat eden 149 hasta bi'l-muʻâyene kendilerine muktezî ilâclar verilmişdir. Yeniköy ve Nusretli İstasyonlarından hareket eden cemʻan 5.173 muhâcire birinci dizanteri, çiçek ve birinci tifo aşıları icrâ olunmuşdur. Karargâhlarımız: Yine bu ay zarfında Yeniköy İstasyonu'nda 35, Bük İstasyonu'nda [315] 55, Nusretli İstasyonu'nda 85, Kozluköy İstasyonu'nda 88 çadırdan mürekkeb dört karârgâh teʼsîs edil- mişdir. İʻâşe: Nisan ayı zarfında ve bu mıntıkada 12.640 fakîr muhâcirin maʻîşeti teʼmîn kılınmışdır.