HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 26 993 -8- Uşak Mevcûd 63 esîr, Uşak eşrâfından birinin hânesinde ibâte edilmekdedir. Yatakları vâsiʻ odalara serilidir. Sıhhatleri, elbise ve yiyecekleri evvelkiler gibidir. Hastahânede 75 hasta taht-ı tedâvîdedir. Bunlar muhtelif karârgâhlardan alınarak bu muntazam hastahâneye nakledilmişlerdir. Ekserîsi cihâz-ı hazmî hastalıklarından muztaribdir. -9- Gönen Mevcûdu 119'dur. Ahvâl-i umûmiyesi bundan evvelki karârgâhlar gibidir. El-yevm hiç hasta yokdur. -10- Alaşehir, İzmir Bu karârgâhlar 1923 senesi Şubat'ında Beynelmilel Salîb-i Ahmer Komitesi Murahhası Mösyö Guénod tarafından teftîş edilmişdir. Mösyö Guénod'nun netîce-i teftîşâtı memnûniyet-bahşdır. İskân ve ibâte husûsu ibtidâî bir hâl- de olmakla berâber temizdir. Yiyecek husûsunda üserâyı müştekî bulmadık". [38] HİLÂL-İ AHMER HAVÂDİSİ Doktor Esad Paşa Hilâl-i Ahmer müessis ve merkez-i umûmî aʻzâsından Tıb Medresesi Emrâz-ı Ayniye Müderrisi Doktor Esad Paşa, bir fâciʻa-i târîhiye olan Malta esâreti akabinde doğruca Anadolu'ya geçerek on altı ay Ankara'da kaldıkdan sonra ahîren şehrimize avdet etmişdir. Esad Paşa'nın Ankara'da kaldığı bu müddet zarfında Hilâl-i Ahmer murahhası sıfatıyla birçok faʻâliyet-i mebrûresi sebk etmişdir. On iki, on üç seneden beri aksâ-yı yesârında ahz-ı mevkiʻ etdiği merkez-i umûmî, müşâruniley- he hâr ve samîmî olduğu kadar hazîn bir resm-i hoş-âmedî îfâ etmişdir. _______________ Merkez-i Umûmîye Yeni Aʻzâ İntihâbı Merkez-i Umûmî aʻzâsından merhûm Hüseyin Hilmi, Nazif ve Doktor İbrahim Paşalardan in- hilâl eden üç aʻzâlığa 26 Eylül [1]339 [1923] târîhinde vukûʻ bulan ictimâʻda dârülfünûn müderris- lerinden Nusret, vükelâ-yı deʻâvîden Hasan Hayri ve Dârülfünûn Tıb Müderrisi Meclis-i Müderrisîn Reîsi Doktor Vasfi Beyler intihâb edilmişdir. _______________