HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 34 1403 edilen Doktor Gautier ile mahdûmu İstanbul'a muvâsalat etmişler ve muhâcir iskân edilen menâtıkda muhâcirlerin vazʻiyetlerini yakından görmek üzere Hilâl-i Ahmer Üserâ ve Tahrîrât Dâireleri Müdür Vekîli Müderris Mazhar Bey ile birlikde İzmit'e azîmet ve mahallinde tedkîkât-ı lâzıme icrâsıyla av- det eylemişdir. Burada bulunduğu sırada mûmâileyh şerefine Hilâl-i Ahmer Merkez-i Umûmîsi tarafından Tokatlıyan Lokantası'nda verilen ziyâfetde mûmâileyh ile mahdûmu ve cemʻiyetimiz reîs-i sânîleri Doktor Besim Ömer Paşa ile Doktor Âkil Muhtar Bey ve merkez-i umûmî aʻzâsından Doktor Ziya Nuri Paşa ile mübâdele ve İstanbul mıntıkası erkân-ı meʼmûrîninden Esad Cemal ve Hilâl-i Ahmer Tahrîrât ve Üserâ Şuʻbesi Müdür Vekîli Müderris Muzaffer Beyler hâzır bulunmuşlardır. Yunan Salîb-i Ahmeri Mübâdeleye tâbiʻ Rumların irkâb iskelelerinden iʻtibâren ahvâl-i sıhhiyelerine [320] nezâret etmek üzere Yunan Salîb-i Ahmeri tarafından imdâd-ı sıhhî heyʼetleri gönderilmesi takarrür etmiş ve bu heyʼetlerden İstanbul mıntıkasına taʻyîn edilen ve iki doktorla dört hastabakıcıdan mürekkeb olan birincisi şehrimize muvâsalatla Kalikratya'daki Rumların ahvâl-i sıhhiyeleriyle iştigâle başlamışdır. Trabzon ve Mersin'e de ikinci ve üçüncü birer heyʼetin geleceği istihbâr kılınmışdır. Vatandâş! Hilâl-i Ahmer'e senede bir lira ver, aʻzâ yazıl. Fakat bu taʻahhüdünü dîn, vatan ve haysiyet borcu bilerek aranılmadan Mart ve Ağustos ibtidâlarında mensûb olduğun merkez veya şuʻbeye makbûz mukâbilinde teslîm et. Senin, onun ve benim vereceği- miz bu birer liranın ne büyük yardımlar yapacağını düşün. Hareket-i Arz Musâbînine Muʻâvenet Geçen ayın on üçüncü Salı günü sabahleyin Erzurum'un Pasinler ovasında Sarıkamış ve civâ- rında başlayıp fâsıla ile yarım sâʻat kadar devâm eden hareket-i arzdan bazı gûnâ hasârât ve tahrîbât ve bu meyânda bazı telefât ve mecrûhîn dahi bulunduğu cihetle vukûʻ bulan mürâcaʻat ve taleb üzeri- ne Hilâl-i Ahmer Cemʻiyeti derhâl telgrafla muʻâvenât-ı âcileye tahsîs ve sarf olunmak üzere mahallî Hilâl-i Ahmer merkezine üç bin lira göndermiş olduğu gibi ahîren merkez-i umûmîce beş bin lira kıymetinde levâzım-ı inşâiye vesâirenin de serîʻan irsâline ve bunların Trabzon'a kadar nakliyesinin teʼmîni için bin liraya kadar bir masraf ihtiyârına karâr verilmişdir. MERKEZ VE ŞUʻBELERİMİZ Havza Şuʻbesi Yeniden faʻâliyete giren bu mühim şuʻbemiz ber-vech-i âtî zevâtdan mürekkebdir: Reîs: Zübeyirzâde Fuad Bey Veznedâr: Sungurzâde Hasan Efendi Aʻzâ: Cebecizâde İbrahim Efendi Aʻzâ: Kaymakzâde Mehmed Efendi Aʻzâ: Mahmud Ağazâde Ali Rıza Efendi Aʻzâ: Hacimzâde Ömer Efendi