HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 34 1409 buçuk metelik veremeyecek kadar fakîr midir? Bu kayıdsızlığı Hilâl-i Ahmer'e karşı alelâde bir ka- yıdsızlık ve alâkasızlıkdan başka ne sûretle tefsîr edebiliriz? Maʻa-hâzâ biz milletimizin ictimâʻî ve insânî mesâilde ne yüksek duygulu efrâddan müteşekkil olduğunu bildiğimiz için kayıdsızlığın hâşâ duygusuzlukdan değil, teşkîlâtsızlıkdan münbaʻis olduğuna kâniʻiz…" Muhterem refîkimiz bundan sonra mahzâ bir kolaylık olmak üzere İzmir şehrinin muhtelif semtlerinde birer şuʻbe küşâdına karâr verildiğini ve bunlardan üçünün küşâd edildiğini bildiriyor. Refikimize bu gibi makâlâtından dolayı teşekkür ve vilâyet merkezimizin de faʻâliyetini tebrîk etdiğimiz sırada bî-taraf olan cemʻiyet gazetesinde siyâsî makâlelerden ziyâde muʻâvenât ve ic- timâʻiyâta ve hıfz-ı sıhhate ve tezâyüd-i nüfûsa, ve'l-hâsıl Hilâl-i Ahmer Cemʻiyeti'nin maksad u esâsına müteʻallik mebâhis ve makâlât görmeyi her hâlde müreccah görmek isteriz. _______________ SALÎB-İ AHMERLER HAVÂDİSİ Panama Salîb-i Ahmeri'nin Tanınması Cenevre'deki Beynelmilel Salîb-i Ahmer Komitesi'ne 20 Nisan târîhinde sebk eden mürâcaʻatı üzerine Panama Salîb-i Ahmeri de komitece tanınmışdır. Riyâsete Matmazel Nicole Garey intihâb edilmiş ve keyfiyet bir sirkülerle Hilâl-i Ahmer'e de bildirilmişdir. Cenevre Mukâvelenâmesi'nin Tekrâr Tedkîki Beynelmilel Salîb-i Ahmer Komitesi'nin 26 Haziran 1922 târîhli tahrîrât-ı umûmiyesine Polon- ya Hükûmeti tarafından bu defa 19 Nisan 1924 târîhiyle gönderilen cevâbda mezkûr mukâvelenin tekrâr tedkîki esâs iʻtibârıyla kabûl edeceğini ve bunda bazı taʻdîlât ve ale'l-husûs 2, 3, 4 ve 12'nci mâddelerde ıslâhât icrâ olunduğunu görmekden pek memnûn olacağını beyân eylemişdir. [326] Maʻlûm olduğu üzere beynelmilel akd ve imzâ edilen mezkûr mukâvelenâme Salîb-i Ahmerlerin teşkîlât-ı esâsiyesine müteʻallikdir. Esîrlerle Menfîlere ve Mültecîlerle Memleketden İhrâc Olunanlara Âid Usûl Bern şehrinde mukîm Polonya sefîri Beynelmilel Salîb-i Ahmer Komitesi'ne gönderdiği 1 Ma- yıs 1924 târîhli bir mektûbunda Beynelmilel Onuncu Konferans'ın bu gibilere âid olarak tanzîm et- diği projenin bilhâssa 2, 4, 6, 7, 8, 9, 10, 11, 13, 14 ve 16'ncı mâddelerinde taʻdîlât icrâsını teklîf eylemişdir. Beynelmilel Salîb-i Ahmer Komitesi'nin Salîb-i Ahmer Cemʻiyetleri Heyʼet-i İʼtilâfiyesi Meclis-i Umûmîsi'nde Temsîli Paris'de 23 Nisan'dan 2 Mayıs'a kadar inʻikâd eden Beynelmilel Salîb-i Ahmer Heyʼet-i İʼtilâ- fiyesi'nin 3'üncü Meclis-i umûmîsinde müşâvir sıfatıyla bulunmak üzere Beynelmilel Salîb-i Ahmer Komitesi'ne vukûʻ bulan daʻvet kabûl olunarak Reîs Mösyö Gustave Ador ve reîs-i sânîlerden Mösyö Paul Desgouttes Paris'e azîmetle komiteyi temsîl eylemişdir. Celsenin küşâdında Mösyö Ador, mü- him bazı beyânâtda bulunduğu gibi bazı mülâkâtlarla da câlib-i nazar-ı dikkat teʼsîrler bırakmışdır.