HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 34 1412 Hükûmetince resmen kabûl ve tasdîk olunduğu gibi bütün şerâit ve evsâf-ı matlûbeyi hâiz bulunmak hasebiyle Beynelmilel Komitece de mevcûdiyeti tanınmışdır. Merkez-i idâresi Tahran'da olup ber-ve- ch-i âtî zevâtdan müteşekkildir: * Doktor Emir Âlem hazretleri, reîs-i sânî * Doktor Lokman Mülk hazretleri, reîs-i sânî * Mecid Han Ahi hazretleri, kâtib * Mütercimü'l-Memâlik hazretleri, kâtib * Ali Muhammed Han Üveysî hazretleri, muhâsebeci * Müdebbiru'l-Mülk hazretleri, veznedâr Bu muhterem cemʻiyeti birâderâne tebrîk ve an-samîmi'l-kalb muvaffakiyetini temennî eyleriz. _______________ MERKEZ VE ŞUʻBELERDEN RİCÂLARIMIZ 1-Her merkez ve şuʻbede mukayyed ne kadar kadın ve ne kadar erkek aʻzâ bulunduğunun, 2-Merkez veya şuʻbenin 1339 [1923] senesi vâridâtının ne mikdâra bâliğ olduğunun ve 3-Merkez veya şuʻbede bugün reîs ve aʻzâ kimler bulunduğunun lütfen doğrudan doğruya mec- mûʻa müdüriyetine mümkün mertebe sürʻatle işʻârı Hilâl-i Ahmer'e karşı dâimâ dirîğ olunmayan himemât-ı mahsûsa-i hayırhâhânelerinden bilhâssa ricâ olunur. _______________ Hilâl-i Ahmer'in Tarz-ı İdâresi ve Merkez ve Şuʻbeleri Efrâd-ı milletden aldığı kuvvet ve muzâheretle müesses ve pâyidâr olan Hilâl-i Ahmer Cemʻi- yeti, Türkiye Cumhûriyeti dâhilinde merkez-i umûmîsiyle, vilâyet, kazâ ve bazı nâhiye ve köylerdeki merkez ve şuʻbeleriyle berâber bir kül teşkîl eder. Şuʻbeler, merkezler ve merkez-i umûmî ol bâbdaki nizâmnâme ve taʻlîmâtnâmeler ahkâmına tevfîkan aʻzâ-yı âmile tarafından müntehab birer heyʼet tarafından idâre olunur. Şu hâlde Hilâl-i Ahmer Cemʻiyeti evvel be-evvel Türkiye'nindir, bütün milletindir, herkesindir. Hükûmetden, milletden [329] ve herkesden göreceği teveccüh ve iʻtimâdla, muʻâvenet ve muzâheret- le mütenâsib ve en nâfiʻ sûretde hizmet eder. Ne kadar alırsa o kadar verir. Âdetâ bir alavira tulumbası gibidir. Hilâl-i Ahmer denilebilir ki, bidâyet-i İslâm'da teessüs eden sadakât dîvânının vazîfesini daha ilmî ve asra muvâfık sûretde îfâ ediyor. Başda bir Meclis-i umûmî vardır. Alelâde senede bir defa ictimâʻ, hakk-ı murâkabesini istiʻmâl ve merkez-i umûmîyi ve bu da aʻzâsı arasından yedi zâtdan mürekkeb heyʼet-i idâreyi teşkîl eyler. Heyʼet-i idâre merkez-i umûmînin ve merkez-i umûmî Meclis-i umûmînin heyʼet-i mümessile- sidir. Bütün umûr ve muʻâmelâtı tedvîr u temşiyet eden merkez-i umûmî karârıyla heyʼet-i idâredir.