HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 34 1420 Bunlardan başka İstanbul'da hanımlar merkez-i umûmîsi ve İzmit, İzmir, Adana, Bursa, Kon- ya'da hanımlar merkezi ve Edremid, Adapazarı, Ayvalık, Bartın, Kadıköy, Gemlik'de hanımlar şuʻ- besi vardır. [334] KİTÂBİYÂT Umûmî, husûsî ve ictimâʻî hıfz-ı sıhhaya, mecrûhîn ve hastagân ve zuʻafâ ve nukahâ ve bî-vâye- gâna muʻâvenete, hastabakıcılığa, hastahâne ve dârü'l-vilâdeler idâreleriyle istatistiklerine, mesâibze- degâna ve muhâcirîne imdâd ve muʻâvenete, ale'l-umûm fukarâ ve muhtâcîne muzâherete ve bunlar hakkındaki istatistiklere, bilhâssa nevzâdlarla etfâle karşı gösterilmesi lâzım gelen sahâbet ve iʻtinâya ve'l-hâsıl ale'l-ıtlâk insâniyetin teʻâlîsine, muhâfaza-i sıhhat ü âfiyete ve muhtâcîn ve bî-vâyegâna karşı dirîğ olunmaması iktizâ eden hayr u hasene müteʻallik neşrolunan kütüb ve resâil için mecmûʻa- mızda bir kısım açmayı fâideli ve cemʻiyetimizin maksad-ı teşekkül ve teessüsüne nâfiʻ addeyledik. Bu yolda kitâb ve risâle neşredenler, Hilâl-i Ahmer Mecmûʻası 'na birer nüsha lütfen hediye ederlerse kendileri için hem iʻlâncılık vazîfesini îfâ hem de merkez-i cemʻiyetimizde teʼsîs etmekde olduğu- muz kütübhâneyi tezyîn etmiş oluruz. Nüfûs Mesʼelesi , Fen ve İzdivâc , Gebelik Cemʻiyetimizin reîs-i fahrîsi ve bilfiʻl reîs-i sânîsi Doktor Müderris Besim Ömer Paşa, ahîren bu unvânlar altında üç risâle daha tahrîr ve neşreylemişdir. Hayâtını ilim ve fenne, vatan ve milleti için âsâr-ı nâfiʻa neşrine ve dîndâş ve vatandâşlarına karşı muʻâvenet ve muzâherete hasr ve vakfey- lemiş olan müşârunileyh, yüzlere varan âsâr-ı matbûʻasına bu üç mühim eseri de ilâve ile kütübhâne-i millîmizi tezyîn eylemişlerdir. Bu eserlerin kıymetlerini takdîr edebilmek için yalnız "Besim Ömer Paşa'nındır" demek kifâyet eder. Müellif-i müşârunileyhi bu eserlerinden dolayı tebrîk ve daha birçok âsâr neşrine muvaffakiyetlerini temennî eyleriz. Mezkûr risâleler Kanâʻat Kütübhânesi'nde satılmak- dadır. HİLÂL-İ AHMER SEMT TEŞKÎLÂTI Hilâl-i Ahmer'e Vâridât Teʼmîni Mesʼelesi (33'üncü numaradan mâbaʻd) Geçen nüshalarımızda İstanbul Semt Teşkîlâtınca taʻahhüd olunan mebâliğin yekûn-ı umûmîsi: 55.034 Kiremidci Mahallesi, Miyazar Aşki Efendi 10 Kiremidci Mahallesi, Salamon Eskenazi Efendi 10 Kiremidci Mahallesi, Nesim Haponi Efendi 10 Kiremidci Mahallesi, Bahor Leon Efendi 10 Kiremidci Mahallesi, Danyal Efendi 20 Kiremidci Mahallesi, David Bahar Efendi 5