HİLÂL-İ AHMER MECMÛʻALARI / CİLT 3

1028 Üçüncü Sene 6 Rebîʻulâhir sene 1342 / 15 Teşrîn-i Sânî sene 1339 (1923) Numara 27 Makâlât ve İʻlânât, Mecmûʻa Müdüriyeti'ne Gönderilmelidir. TÜRKİYE HİLÂL-İ AHMER MECMÛʻASI Derc Edilmeyen Evrâk ve Makâlât İʻâde Edilmez. Her Ayın On Beşinde Neşrolunur. Senelik abonesi bir liradır. Merciʻi: Yerebatan Câddesi'nde Hilâl-i Ahmer Merkezi. Telefon: İstanbul 1783 Hilâl-i Ahmer'e gönderilecek mektûb, para, eşyâ ve bi'l-cümle teberruʻât, "Dersaadet'de Hilâl-i Ahmer Cemʻiyeti Riyâseti" nâmına irsâl edilmelidir. Mündericât: İctimâʻî Hıfzıssıhha – Hilâl-i Ahmer Havâdisi – Beynelmilel Komite – Salîb-i Ahmer Havâdisi – Muktebesât – Hilâl-i Ahmer Semt Teşkîlâtı – Fransızca Kısmı – İngilizce Kısmı _______________ İCTİMÂʻÎ HIFZISSIHHA -4- Frengi Emrâz-ı zühreviyenin en vahîm, en iğrenç ve korkuncu telâkkî edilen frengi hastalığı bilhâssa Harb-i Umûmî'den sonra memleketimizin hemen her tarafına yayılarak her sınıf halkda görülmeğe başlamışdı. Fâciʻa-i harbin her memleketde hâsıl etdiği sefâlet-i ictimâʻiye netîcesi tezâyüd eden fuhuş, seyl-i muhâceretin bi'z-zarûre yapdığı perîşânlık ve meʼvâsızlık ile takviye bularak diğer em- râz-ı zühreviye arasında bu mühim ve muhrib âfet de âdetâ salgın denilecek şekilde bazı mıntıkalarda icrâ-yı hüküm etdi. Fi'l-hakîka son senelerde seferberliğin temâdîsi ile âilelerin uzun müddet iftirâkı, muhâceretin Anadolu'nun muhtelif istikâmetlerinde inşiʻâʻı asgarî ihtiyâc ve iʻâşenin bile pek güçlükle itmiʻnânı netîcesi âlem-i fuhuş tevsîʻ ederek ictimâʻî bir derd olan frengiyi ehemmiyetle nazar-ı tedkîke alına- cak bir şekle sokmuşdur. Edebiyât-ı tıbbiyede bu hastalığın 430 sene evvel Kristof Kolomb'un gemisindeki tâifeler ile Amerika'dan Avrupa'ya geldiği tahakkuk ediyor. Bundan sonra Sekizinci Charles'ın Napoli üzerine sevk etdiği ordu ile Fransa'dan evvelâ İtalya'ya geçmiş ve böylece az zamânda etrâfa sirâyet ederek bütün cihâna yayılmış ve ictimâʻî bir âfet hükmüne geçmişdir. Hastalığın mebdeʼi garb olduğu hâlde maʻatteessüf şarkda kök salarak bugün bazı akvâm meyâ- nında âdetâ bir maraz-ı âdî gibi telâkkî ve hattâ "mübârek" diye tevsîm edilmekdedir. Bizde frengi