HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 27 1034 [64] İʻtizâr.- Mecmûʻamızın üçüncü senesinin ilk nüshası olan 25 numaralı nüshada sehven ikinci senenin sahîfe numaralarına devâm edilmiş olduğundan maʻa'l-iʻtizâr tashîh-i keyfiyet olunur. 25 ve 26 nu- maralı nüshalar 56 sahîfeyi hâvî olduğu cihetle bu defa neşrolunan 27 numaralı nüsha 57. sahîfeden iʻtibâren başlıyor. [Düzeltilmiştir.] _______________ HİLÂL-İ AHMER HAVÂDİSİ Gâzî Mustafa Kemal Paşa ve Hilâl-i Ahmer Türkiye Cumhûriyeti'nin iʻlân ve Gâzî Mustafa Kemal Paşa hazretlerinin cumhûriyet riyâsetine intihâb edilmesi münâsebetiyle Hilâl-i Ahmer ile Gâzî Paşa hazretleri arasında âtîdeki telgrafnâmeler teʻâtî edilmişdir: "-Türkiye Cumhûriyet Reîs-i Muhteremi Gâzî Mustafa Kemal Paşa hazretlerine, Cumhûriyet riyâsetine intihâblarından dolayı Hilâl-i Ahmer Merkez-i Umûmîsi zât-ı sâmî-i fahîmânelerine ihtirâmkâr tebrîkâtını arz u takdîm eyler. 30 Teşrîn-i Evvel 1339 [Ekim 1923] Reîs-i Sânî Hâmid " Cumhûriyet Reîsi Gâzî Paşa'nın cevâbı ber-vech-i zîrdir: "-Ankara, 31 Teşrîn-i Evvel 1339 [Ekim 1923] İstanbul Hilâl-i Ahmer Reîs-i Sânîsi Hâmid Bey'e, C[evâbî]: Teşekkür ve milletimiz için müteyemmin olmasını niyâz ederim. Gâzî Mustafa Kemal " _______________ Rusya Müslümânlarının Hilâl-i Ahmer'e Teşekkürü Rusya İctimâʻî Şûrâlar Cumhûriyeti aksâm-ı muhtâresinden olup merkezi Kazan olan Tatar Cumhûriyeti ve merkezi Ufa olan Başkırd Cumhûriyeti ve merkezi Orenburg olan Kırgız Cumhûri- yeti ile Sibirya ve Simbir ve Nijni Novgorod ve Tambov ve Penza vilâyetleri müslümânları, geçen Haziran'ın on yedisinde Ufa'da akd-i ictimâʻ eden kurultay riyâseti tarafından cemʻiyetimize irsâl edilen teşekkürnâmeyi aynen derc ediyoruz: