HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 27 1042 Tekzîb İstanbul'da münteşir cerâid-i yevmiyeden bazısında Faslı Şeyh Mahmud es-Saʻlebî Efendi'nin Fas mücâhidlerine muʻâvenet için cemʻ edilen iʻânelerin kendi vâsıtasıyla Fas'a irsâlini Hilâl-i Ah- mer'e teklîf etdiği ve bu teklîfin Hilâl-i Ahmer Cemʻiyetince kabûl edilmediği mündericdir. Bî-asl u esâs olan bu havâdisi, Hilâl-i Ahmer Mecmûʻası tekzîbe meʼzûndur. _______________ Beynilmilel Komite Çekoslovakya Salîb-i Ahmeri'nin Cenevre Beynelmilel Merkez Komitesi'ne irsâl etdiği tah- rîrâtda "Çekoslovakya Salîb-i Ahmer Mümessili" unvân-ı fahrîsinin tevcîhi hakkında bazı zevât-ı mümtâze-i ecnebiyenin mürâcaʻat etmekde olduklarından bahisle, unvân-ı mezkûrun diğer Salîb-i Ahmerlerce ecânibe iʻtâ edilip edilmediği istifsâr edilmesi üzerine Cenevre Komitesi'nin verdiği cevâbda Salîb-i Ahmer mümessilleri salâhiyet-i mahdûde veya vâsiʻa ile ancak [71] millî Salîb-i Ah- mer Cemʻiyetlerince intihâb ve taʻyîn edilmekde ve "Millî Salîb-i Ahmer Mümessili" unvânının şim- diye kadar ecnebîlere iʻtâ edilmemekde olduğu beyân edildikden sonra zevât-ı ecnebiyenin hidemât-ı mesbûkası şâyân-ı taltîf görüldüğü takdîrde bunun nizâmnâmeye veya teʻâmüle tevfîkan diğer sûretle halli îcâb edeceği işʻâr edilmişdir. _______________ SALÎB-İ AHMERLER HAVÂDİSİ İtalya Salîb-i Ahmeri İtalya Salîb-i Ahmeri'nin 1921-1922 senesi faʻâli- yetine dâir neşretdiği umûmî raporun sulh mesâʻîsine âid kısmından geçen nüshamızdan birinde bahsetmiş idik. Bu nüshamızda raporun diğer aksâm-ı mündericesini hulâsaten naklediyoruz: İtalya Salîb-i Ahmeri'[nin] Roma'daki vâsiʻ merkez anbârından mâʻadâ, Milano ve Torino'da diğer iki anbârı daha vardır. Cenûbî İtalya için Napoli'de büyük bir binâ ve Verden'de bir arsa mübâyaʻa etmişdir. İtalya Salîb-i Ahmeri, üç seneden beri bir sıhhî tayyâ- re teʼsîsiyle meşgûl bulunmakdadır. Otuz parçadan ibâret olan emlâk-ı gayr-ı menkûlesi 20 milyon ve eşyâ-yı menkûle ve levâzım-ı sıhhiyesi 16 milyon frank tahmîn edilmekdedir. Devâir-i resmiye ve müessesât-ı husûsiyede şuraya buraya atılan müstaʻmel ve fersûde kâğıd parçalarının top- lanmasından İtalya Salîb-i Ahmeri'nin teʼmîn etdiği vâridât İtalyanların taʻbîri vechile bir hazînedir. Bu kâğıd parçaları 1 Temmuz 1921 târîhinden 30 Haziran 1922 târîhine kadar 2.326.820 frank ve 1 Temmuz Bu defa Hilâl-i Ahmer Merkez-i Umûmî aʻzâlığına intihâb olunan Daʻvâ Vekîli Hasan Hayri Bey Hassan Haïry Bey, Avocat, élu membre du comité Central du Croissant-Rouge Turc