HİLÂL-İ AHMER MECMÛʻALARI / CİLT 4

1610 Dördüncü Sene 15 Safer sene 1343 / 15 Eylül sene 1340 (1924) Numara 37 Makâlât ve İʻlânât, Mecmûʻa Müdüriyeti'ne Gönderilmelidir. TÜRKİYE HİLÂL-İ AHMER MECMÛʻASI Derc Edilmeyen Evrâk ve Makâlât İʻâde Edilmez. Her Ayın On Beşinde Neşrolunur. Senelik abonesi bir liradır. Merciʻi: Yerebatan Câddesi'nde Hilâl-i Ahmer Merkezi. Telefon: İstanbul 1783 Mündericât: Beynelmilel Salîb-i Ahmer Teşkîlâtı – İctimâʻî Hıfzıssıhha – Hilâl-i Ahmer Havâdisi – Salîb-i Ahmerler Havâdisi – Semt Teşkîlâtı – Fransızca Kısmı, İngilizce Kısmı Hilâl-i Ahmer Mecmûʻası Hilâl-i Ahmer'i sevenler ve onu yaşatmak ve beslemek isteyenler bu mecmûʻaya abone olmalıdır. Senelik abone bedeli bir liradır. Her merkez ve şuʻbede abone kaydolunur ve doğruca mecmûʻa müdüriyetine mürâcaʻat edilebilir. BEYNELMİLEL SALÎB-İ AHMER TEŞKÎLÂTI 1 * -2- Beynelmilel Salîb-i Ahmer Teşkîlâtı'nı mütâlaʻaya meʼmûr komisyon 1923 senesi Teşrîn-i Sânî ibtidâsında Brüksel'de ilk ictimâʻını akdetdi. On Birinci Salîb-i Ahmer Kongresi, komisyona katʻî taʻlîmât vermemişdi. Yalnız kongreden evvel bir emr-i vâkiʻ gibi telâkkî olunan Beynelmilel Komite ile Lig'in birbirine mezci (fusion) karârı refʻ edilmiş ve komisyona mesʼelenin şümûlüyle yeniden tedkîki salâhiyeti verilmişdi. İctimâʻın ilk günü başlıca üç sûret-i hal teklîfi karşısında bulunuyorduk: Biri Lig'in vâsıl olmak istediği şekil idi. Bunun gâyesi Beynelmilel Salîb-i Ahmer Komitesi'ni hükümsüz bırakarak hakîkatde hazf etmek ve bunun yerine nâdiren ictimâʻ etmek üzere muhtelit bir heyʼet teşkîl ederek bi'n-netîce bütün Salîb-i Ahmer nüfûzunu [1] bir veya iki şahsın eline vermekdi. Fi'l-vâkiʻ mezkûr heyʼetin ictimâʻ etmediği uzun aylarda her iktidâr bir müdürün elinde idi. Bunun emrinde iki kitâbet heyʼeti bulunacak, bunlardan biri Beynelmilel Komite'ye âid umûru ve diğeri de Lig'in vezâfini idâre edecekdi. 1 Birinci makâle 35 numaralı Temmuz nüshasındadır.