HİLÂL-İ AHMER MECMÛʻALARI / CİLT 4

Türkiye Hilâl-i Ahmer Mecmû‘ası Sayı 37 1625 § Samsun Seyyâr Tabîbi İsmail Fehmi Bey'in Kadırga Vilâdethânesi dâhilindeki Kâbile Mek- tebi'ne devâm etdirilecek olan tâlibe yurduna Sıhhiye Vekâletince müdür taʻyîn edilmiş olduğundan inhilâl eden mezkûr tabâbete vapur etıbbâsından Celâl Bey taʻyîn edilmişdir. § Rum muhâcirlerine çiçek aşısı tatbîki için Yunan Salîb-i Ahmeri'ne 15.000 kişilik çiçek aşısı verilmişdir. § Niğde İmdâd-ı Sıhhî Heyʼeti: Temmuz zarfında Niğde ve havâlîsine 9.102 muhâcir vürûd edip bunlardan 876'sı imdâd heyʼeti dispanserine mürâcaʻat edip ayakda tedâvîsi imkânsız olan 54 nüfûs muhâcir hastahâneye yatırılmış ve 8'i çocuk olmak üzere bir ay zarfında on beş nüfûs vefât etmişdir. § Tekfurdağı İmdâd-ı Sıhhî Heyʼeti'ne Temmuz'da 79 muhâcir hasta mürâcaʻat edip bunlardan beşi heyʼet hastahânesine yatırılarak taht-ı tedâvîye alınmışlardır. § Kalikratya Dispanseri'ne 79 hasta mürâcaʻat eylemişdir. 3'ü veremden olmak üzere sekiz hasta vefât etmişdir. § Çatalca İmdâd-ı Sıhhî Heyʼeti'ne Temmuz'da 79 hasta mürâcaʻat edip beşi heyʼet hastahâne- sine yatırılmışdır. § Üsküdar Dispanseri'ne 1 Ağustos'da 920 hasta mürâcaʻat edip bunlardan on hasta muhtelif hastahânelere gönderilmişdir. § Cağaloğlu Dispanseri'ne 1.355 hasta mürâcaʻat edip muʻâyeneleri meccânen îfâ edilmiş ve 858 hastanın ilâcları dahi meccânen verilmişdir. § Rusya'da sivil üserâdan olup bu defa İstanbul'a vürûd ederek derdest-i sevk bulunan 29 esîrin iʻâşeleri îfâ edilmekdedir. § Kayalar İmdâd-ı Sıhhî Heyʼeti Teşvikiye vapuruyla İstanbul'a avdet etmişdir. [18] Vefât Hilâl-i Ahmer aʻzâ-yı âmile-i dâimesinden olup iki bin liradan fazla teberruʻâtda bulunmuş olan İskenderiye'de Giridli tüccâr-ı muʻtebereden Ahmed Zeki Bey berây-ı tedâvî Viyana'ya gitmekde iken Triyeste'ye beş sâʻat kala râkib olduğu Silvan vapurunda vefât etmiş ve cenâzesi 6 Eylül [1]340 [1924] târîhinde Triyeste'den naklolunarak ihtifâlât-ı lâyıka ile medfen-i mahsûsuna defnedilmişdir. Mîr-i mûmâileyh bir kıtʻa Hilâl-i Ahmer madalyasıyla taltîf edilmiş fukarâ-perver bir zât idi. SALÎB-İ AHMERLER HAVÂDİSİ İtalya ve Amerika Salîb-i Ahmerleri Arasında İtalya Salîb-i Ahmer Cemʻiyeti Reîsi aʻyândan Ciraolo'nun teşebbüsâtı üzerine Amerika Salîb-i Ahmeri'yle İtalya Salîb-i Ahmeri arasında akdedilen iʼtilâfnâmede her iki Salîb-i Ahmer aʻzâsının bu iki memleketde mütekâbilen mazhar-ı muʻâvenet ve teshîlât olması teʼmîn edilmişdir. İşbu iʼtilâfnâmede muharrer şerâite nazaran hüviyet varakasını ibrâz eden aʻzânın mesâil-i sıh- hiye hakkında vukûʻ bulacak mürâcaʻatını İtalya ve Amerika Salîb-i Ahmerleri merkez-i umûmîleri