HİLÂL-İ AHMER MECMÛʻALARI / CİLT 4

1688 Dördüncü Sene 15 Rebîʻulevvel sene 1343 / 15 Teşrîn-i Evvel sene 1340 (1924) Numara 38 Makâlât ve İʻlânât, Mecmûʻa Müdüriyeti'ne Gönderilmelidir. TÜRKİYE HİLÂL-İ AHMER MECMÛʻASI Derc Edilmeyen Evrâk ve Makâlât İʻâde Edilmez. Her Ayın On Beşinde Neşrolunur. Senelik abonesi bir liradır. Merciʻi: Yerebatan Câddesi'nde Hilâl-i Ahmer Merkezi. Telefon: İstanbul 1783 Mündericât: İctimâʻî Hıfzıssıhha – Hilâl ve Salîb-i Ahmer Unvân ve İşâretlerinin Suîstiʻmâli – Yılan Sokması – Hilâl-i Ahmer Havâdisi – Salîb-i Ahmerler Havâdisi – Muktebesât – Fransızca Kısmı, İngilizce Kısmı Hilâl-i Ahmer Mecmûʻası Hilâl-i Ahmer'i sevenler ve onu yaşatmak ve beslemek isteyenler bu mecmûʻaya abone olmalıdır. Senelik abone bedeli bir liradır. Her merkez ve şuʻbede abone kaydolunur ve doğruca mecmûʻa müdüriyetine mürâcaʻat edilebilir. İCTİMÂʻÎ HIFZISSIHHA -13- Dâü'l-küûl Asırlardan beri beşeriyetin iʻtiyâdı şeklinde bütün dünyâya yayılmış olan bir derd-i ictimâʻî de küûl ibtilâsı olmuşdur. El-yevm şarkdan ziyâde garbda intişâr eden bu sû-i iʻtiyâd kürre-i arz ve mil- yonlarca insân üzerinde müzmin sûretde seyreden bir hastalık mâhiyetindedir. İspirto bidâyet-i keşfi olan on üçüncü asırda ancak kimyâ ve sanâyiʻde müstaʻmel iken bilâhare fenn-i ispençiyârî ve tabâbetde de şöhret alarak oldukça mühim bir mâdde-i devâiye hükmüne geçmiş idi. Çok geçmeden, kana geçerek keyif verdiğ anlaşılmış ve türlü renk ve lezzetde içkiler şeklinde piyasaya çıkarak mükeyyifât hâlinde ve ale'l-ıtlâk içilmeğe başlanmışdır. [50] İşret esâsen dîn-i İslâm'da harâmdır. Osmanlı İmparatorluğu devrinde bazı sultânlar alenî işreti İslâm tebaʻaya menʻ etdikleri cihetle memleketimizde bu iʻtiyâd nisbeten tevessüʻ etmemiş ve hattâ gayr-ı müslim anâsıra münhasır kalmışdı, denilebilir. Türkiye Büyük Millet Meclisi Hükûmeti