HİLÂL-İ AHMER MECMÛʻALARI / CİLT 4

Türkiye Hilâl-i Ahmer Mecmû‘ası Sayı 38 1695 Onuncu Mâdde İşbu kânûn târîh-i neşir ve iʻlânından iʻtibâren muʻteberdir. İşbu kânûn ahkâmıyla kâbil-i teʼlîf olmayan unvân, alâmet ve marka ve unvân-ı ticârete kânû- nun neşrinden mukaddem temellük etmiş olan efrâd, cemʻiyât ve müessesâta taʻdîl ve izâlesi için bir sene mehil verilmişdir. _______________ YILAN SOKMASI Yılanların yedi-sekiz santimetreden sekiz metreye kadar boyları olabilir. Hepsi eklü'l-lahm hayvânât cinsindendir. Yılanlar zehirli ve zehirsiz olmak üzere iki sınıfa ayrılır. Zehirsiz yılanlar, ancak tutulduğu zamân sokar ve ısırması tehlikesizdir. Hâlbuki zehirli yılanların sokması ekseriyâ vahîm ve hattâ bazen mevti dâʻîdir. Zehirli yılanların zehirsizlerden tefrîki gâyet mühim olmakla berâber çok defa kolaydır. Zehirli yılanların ekserîsi âdî bir bastonun tûlünden uzun değildir. Maʻamâfîh cüsseleri nisbeten kalın ve kuyrukları kısadır. Başları şekl-i müsellesîde ve boyunlarından çok kalındır. Çenelerinde âdî dişlerden mâʻadâ iki aded gâyet uzun, sivri ve müteharrik zehir dişleri vardır. Zehirsiz yılanlar, boyca daha uzundur. Bazen iki metre tûlünde olanlarına da tesâdüf edildiği vâkiʻdir. Kuyrukları, zehirli yılanlarınkinden daha uzun, başları beyzîdir. Başları kalkdığı zamân bo- yunları ekseriyâ görülmez. Burunları zehirli yılanlarınki gibi kesik ve yukarıya kalkık olmayıp yuvarlakdır. Renkleri ye- şil-sarıdır. Yılan Sokmasının Teʼsîrât ve Netâyici Zehirli yılanların sokmasıyla zehir dişlerinin içeri girmesinden hâsıl olan iki yara müşâhede edilir. Eğer hayvân, ağzının yan tarafından ısırmış ise nâdiren bir yara görülür. Yekdiğerinden nihâyet bir santimetre kadar uzak bulunan iki küçük kırmızı noktayı teşkîl eden bu iki yaradan bir damla kan çıkar ve biraz zamân sonra bu iki nokta etrâfında sonradan morlaşan kırmızı renkde vecaʻlı bir şişkinlik hâsıl olur. Ağrılar, adalâtın takallusu ve şişkinlik bütün nevâhîyi istîlâ eder. Daha bidâyetde vehâmeti pek âşikâr olan mevziʻî aʻrâz görülür. Aʻrâz-ı umûmiye ise kırıklık, halecân-ı kalble müterâfık şiddetli bir susama, boğaz kuruması, istifrâğ, hezeyân ve sonra gitdikçe müterakkî bir usret-i teneffüs ve nihâyet baygınlık tehdîdi ve eğer vakʻa mevt ile netîcelenecekse koma ve ihtinâk-ı müterakkî zuhûr eder. Bazen aʻrâz-ı umûmiye, aʻrâz-ı mevziʻiye ile aynı zamânda zuhûr etmiş olur. Bu da zehirli dişin evʻiye-i demeviyeye veyâhûd hâiz-i ehemmiyet bir damara tesâdüf ederek doğrudan doğruya zehri buraya dökmüş olmasından ileri gelir.