HİLÂL-İ AHMER MECMÛʻALARI / CİLT 4

Türkiye Hilâl-i Ahmer Mecmû‘ası Sayı 38 1697 [58] HİLÂL-İ AHMER HAVÂDİSİ Erzurum Zelzeleleri Erzurum vilâyetiyle havâlîsi hareket-i arz felâketzedelerine Hilâl-i Ahmer Cemʻiyeti ilk muʻâ- venet olmak üzere âtîdeki eşyâyı göndermişdir: 1-1.000 battâniye, 1.000 takım çamaşır, 1.000 yün fanila, 1.000 çift yün çorab, 500 avcı yeleği, mikdâr-ı kâfi eczâ-i tıbbiye ve malzeme-i sıhhiye, 50 aded iki direkli kebîr çadır (beheri elli kişilik), 100 aded mahrûtî çadır (onar kişilik) 2-Bütün teferruʻâtıyla yirmi yataklık hastahâne malzemesi 3-İhtiyâcât-ı gıdâiye için mahallinde erzâk mübâyaʻa olunarak Erzurum Hilâl-i Ahmeri Merke- zi vâsıtasıyla tevzîʻ edilmek üzere 3.000 lira 4-Trabzon'a sevk edilen iki bin oluklu galvaniz saç, 1.000 tahta, 1.000 kilo çivi, 1.000 latanın Trabzon'dan Erzurum'a kadar masârıf-ı nakliyesi olan tahmînen 3.000 liranın sarfıyla Erzurum'a sev- ki. Bu malzeme Trabzon'dan sevk edilmişdir. 5-Seyyâr bir etüv. _______________ Âlî-cenâbâne Bir Teberruʻ Erzurum hareket-i arz musâbîni için vâlide-i hidîvî hanımefendi hazretleri tarafından cemʻiye- timize dört bin yüz lira teberruʻan irsâl buyurulmuş olmakla arz-ı şükrân olunur. _______________ Beynelmilel Salîb-i Ahmer'in Muʻâveneti Erzurum felâketzedelerine muʻâvenet olmak üzere Beynelmilel Salîb-i Ahmer Cenevre Merkez Komitesi Hilâl-i Ahmer Merkez-i Umûmîsi'ne beş bin franklık bir çek göndermişdir. _______________ Erzurum Hareket-i Arzzedegânı İçin Vukûʻ Bulan Teberruʻât Kuruş Vâlide-i hidîvî tarafından 10.000 Samsun'da mukîm İbrahim Efendi'den 10.000 Reşid Safvet Bey'den 1.740 Paris'de Mösyö K. M. ve Bedwing âilesi tarafından 10.000 Pavli Yakri Efendi'den 100 İzidor Efendi'den 42 Beyoğlu Belediye odacılarından Ahmed Efendi 200