HİLÂL-İ AHMER MECMÛʻALARI / CİLT 4

Türkiye Hilâl-i Ahmer Mecmû‘ası Sayı 38 1705 Umûr-ı Hesâbiye Cemʻiyetin vâridâtı, aʻzâ âidât-ı seneviyesiyle sermâyenin fâizinden vesâir bazı vâridâtdan te- rekküb eder. Masârıfını, merkez-i umûmî, şuʻbeler ve hastahâne masârıfâtı teşkîl eder. [64] Hasılât: Aʻzâ âidât-ı seneviyesi 1.887.026,33 Sermâyenin fâizi 3.079.449,23 Teberruʻât 624.193,37 Hastahâneler hâsılâtı 4.104.691,56 Vâridât-ı muhtelife 1.385.912,72 Sene-i sâbıkadan müdevver 1.430.491,79 Yen, Yekûn-ı Umûmî 12.512.065,79 Masârıfât: Merkez-i umûmî masârıfı 814,457,87 Şuʻbeler masârıfı yekûnu 4.329.361,50 Hastahâneler masârıfâtı 4.398.312,51 Masârıfât-ı sâire 11.704,62 Yekûn 9.553.834,51 Sene-i âtiyeye nakil 1.253.143,74 Muhtelif sermâyelere naklolunan 1.715.086,86 Yen, Yekûn-ı Umûmî 12.512.065,05 _______________ MUKTEBESÂT Antalya refîkimizin 25 Eylül [1]340 [1924] târîhli başmakâlesi: "-Sıtma Mücâdelesi İstanbul'a kadar bir seyâhat icrâ eden Sıhhiye Vekîli Refik Beyefendi'nin çok hayırlı bir niyetle seyâhate lüzûm gördükleri ajansların ve İstanbul rüfekâmızın verdiği haberlerden anlaşılmaktadır. Sıhhiye vekîli, Anadolu'yu başdan nihâyete kemiren ve Türk'ün mevcûdiyetini cidden tehlikeye ilkâ eden sıtma ile mücâdele için ciddî mesâʻîye başladığı cihetle takdîre ve muvaffak olabilirse minnet ve şükrânlara müstahık olacakdır. Bu bâbda îcâb eden mesâʻî ve mücâdele programını hâzırlamak üzere bir komisyon teşekkül etdiği ve bu komisyonun iki celse akdederek anahatlar hakkında az çok tasavvurlarını da ortaya dökdüğüne bugün vâkıf bulunuyoruz. Şurasını da söylemek lâzımdır ki, ko- misyona intihâb edilen zevât cidden memleketimizin mâ bihi'l-iftihâr mütehassıslarıdır. Hele Tevfik Salim Beyefendi cidden yüksek ve aynı zamânda sıtma tehlikesini herkesden çok görmüş ve bununla mücâdele etmiş bir hocamızın dâhil-i komisyon bulunması bu işde bizi en ziyâde ümîde düşüren bir