HİLÂL-İ AHMER MECMÛʻALARI / CİLT 4

1724 Dördüncü Sene 15 Rebîʻulâhir sene 1343 / 15 Teşrîn-i Sânî sene 1340 (1924) Numara 39 Makâlât ve İʻlânât, Mecmûʻa Müdüriyeti'ne Gönderilmelidir. TÜRKİYE HİLÂL-İ AHMER MECMÛʻASI Derc Edilmeyen Evrâk ve Makâlât İʻâde Edilmez. Her Ayın On Beşinde Neşrolunur. Senelik abonesi bir liradır. Merciʻi: Yerebatan Câddesi'nde Hilâl-i Ahmer Merkezi. Telefon: İstanbul 1783 Mündericât: Sıhhiye-i Askeriye ve Sıhhiye-i Umûmiyede Tayyârelerden Edilecek İstifâde – İctimâʻî Hıfzıssıhha – Dilsizliğin Tedâvîsi Kâbildir – Hilâl-i Ahmer Hastabakıcılık Taʻlîmâtnâmesi – Hilâl-i Ahmer Havâdisi – Salîb-i Ahmerler Havâdisi – Muktebesât – Fransızca Kısmı, İngilizce Kısmı SIHHİYE-İ ASKERİYE VE SIHHİYE-İ UMÛMİYEDE TAYYÂRELERDEN EDİLECEK İSTİFÂDE Avrupa'da kâh vazîfeten bir kongrede bulunmak ve kâh bu sefer gibi kaplıcaya gitmek üzere sıhhaten mecbûr olmak sûretiyle azîmet eylediğim zamân bir tarafdan ihtisâsıma âid hastahânele- re devâm ve terakkiyât-ı tıbbiye ve sıhhiyeyi taʻkîb ile maʻlûmâtımı tâzelendirmek, diğer cihetden memleketimizde ihyâen teʼsîsinden evvel bile vezâifi ile meşgûl olduğum Hilâl-i Ahmer Cemʻiye- ti'nin cemʻiyât-ı sâire gibi merbût bulunduğu Cenevre'deki Beynelmilel Salîb-i Ahmer Komitesi'ne uğramak ve epey zamândan, hattâ Hilâl-i Ahmer Cemʻiyeti'nin teessüsünden evvel 1907 senesinde Londra'da inʻikâd eden Beynelmilel Salîb-i Ahmer Konferansı'na Osmanlı Hükûmeti ve daha yeni- den doğmayan Hilâl-i Ahmer Cemʻiyeti murahhası sıfatıyla gönderildiğim vakitden beri tanıdığım İsviçre Hükûmet-i Cumhûriyesi Reîs-i sâbıkı ve Beynelmilel Salîb-i Ahmer Komitesi Reîs-i hâzırı Mösyö Ador'u ve müteʻâkiben muhibb-i vefâdârım Müderris Doktor Âkil Muhtar Beyefendi ile bir- likde kongrelerde tanımak şerefine nâil olduğum zevât-ı sâireyi ziyâret etmek ve Hilâl-i Ahmer'e dâir terakkiyâta vâkıf olmak eskiden beri taʻkîb eylediğim program dâhilindedir. Bu sefer de geçen Ağustos'un on altısında tabîb dostlarımın vukûʻ bulan ibrâmı üzerine [74] tedâvî maksadıyla Fransa'da ikmâl-i tahsîlime vesîle olduğundan dolayı sevdiğim bu memleketde Mont-d'Or banyosuna hareket eyledim. Zâten yolum üzerinde olan Cenevre'de, bazı tabîb ve muʻal- lim dostlarıma mürâcaʻat ile karârımın isâbetine dâir fikirlerini almak üzere bir hafta kadar kaldım. Bu vesîle ile Beynelmilel Salîb-i Ahmer Komitesi'ne uğradığım zamân Mösyö Ador'u ve komitenin diğer bazı erkânını gördüm. Tekrâr eden mülâkâtımızda memleketimizde muhâcirînin ahvâl-i esef-iştimâli, fakr u sefâletin taʻammümü ve muʻâvenet-i umûmiyeye ihtiyâc mesʼeleleri geçiyordu. İşte bu sırada idi ki, söz Hilâl ve Salîb-i Ahmerlerin cümle-i vezâifinden olan ağır yaralı ve hastaların kaldırılmasına intikâl eyledi.