HİLÂL-İ AHMER MECMÛʻALARI / CİLT 4

1476 Üçüncü Sene 12 Zilhicce sene 1342 / 15 Temmuz sene 1340 (1924) Numara 35 Makâlât ve İʻlânât, Mecmûʻa Müdüriyeti'ne Gönderilmelidir. TÜRKİYE HİLÂL-İ AHMER MECMÛʻASI Derc Edilmeyen Evrâk ve Makâlât İʻâde Edilmez. Her Ayın On Beşinde Neşrolunur. Senelik abonesi bir liradır. Merciʻi: Yerebatan Câddesi'nde Hilâl-i Ahmer Merkezi. Telefon: İstanbul 1783 Mündericât: Bayram Tebriği – Beynelmilel Salîb-i Ahmer Teşkîlâtı – Mayıs Ayı Zarfında Hilâl-i Ahmer Dispanserleriyle Heyʼet-i Sıhhiyesinin Faʻâliyeti – İstanbul Fukarâ Muʻâyenehâneleri – Murahhaslarımızın Avdeti – Hilâl-i Ahmer Havâdisi – Kastamonu Merkezinin Faʻâliyeti – Muhtelit Mübâdele Komisyonu – Yalova ve Karamürsel Muhâcirlerine Yardım – Mersin Hastahânesi'nin Tevsîʻi – Eser-i Mürüvvet – Merkez ve Şuʻbelerimizden Gelen Cevâblar – Salîb-i Ahmerler Havâdisi – Doktor Ferrière'in Vefâtı – Amerika Salîb-i Ahmeri – Prag Çocuklar Kongresi – Arjantin Salîb-i Ahmeri – Avusturya Gençlik Salîb-i Ahmeri – Belçika Salîb-i Ahmeri – Ekvador Salîb-i Ahmeri – Tedkîk-i Mesâib Mecmûʻası – Bulgaristan'da Himâye-i Etfâl – Japon Salîb-i Ahmeri – Romanya Beynelmilel Muhâcirîn Konferansı – Salîb-i Ahmerler Heyʼet-i İʼtilâfiyesi'ne (Lig) Tevârîh-i Dühûl – Nüfûs Mesʼelesi – Teberruʻât – Fransızca ve İngilizce Kısımları Bayram Tebriği Güzerân eden 1342 senesi îd-i saʻîd-i edhâsı münâsebetiyle mecmûʻamız bütün kâriîn ve kâriât ve bilhâssa İslâm kardeşlerimize arz-ı tebrîkât eder ve mesʻûd ve ha- yırlı birçok bayramlar daha idrâk etmelerini eltâf-ı ilâhiyeden duʻâ eyleriz. BEYNELMİLEL SALÎB-İ AHMER TEŞKÎLÂTI HAKKINDA -1- Salîb-i Ahmer 1863 târîhinde Solférino Muhârebesi'nde yaralı ve hastalık ıztırâbâtını gören İsviçreli Dunant'ın neşriyâtı ve bundan müteessir olan birkaç âlî-cenâb Cenevrelinin teşebbüsâtı sâ- yesinde teessüs etmişdir. Bu insânî müesseseyi meydâna getiren o büyük insânlar, eserlerinin vücûda geldiğini gördükden sonra ayrılmamışlar ve Beynelmilel Salîb-i Ahmer Komitesi ismini alarak bu- güne kadar müessesenin idâme-i mevcûdiyeti ve tevessüʻü gâyesini taʻkîb etmişlerdir. Hâl-i hâzırda komitenin makâm-ı riyâsetinde bulunan Mösyö Ador, bu heyʼetin ikinci reîsidir. Salîb-i Ahmer teşkîlâtının ehemmiyeti Cihân Harbi'nde olduğu kadar hiçbir zamân anlaşılama- mışdı. Maksad-ı teessüsü mecrûhîn ve marzâ-yı askeriyeye muʻâvenetden ibâret olan bu müessesenin Harb-i Umûmî esnâsında îfâ etdiği hidemât daha başka ve daha mühim sahalara şâmil olmuşdur. Bu harb bu âna kadar tasavvur olunmayan bir takım echize ve vesâit-i ifnâiyeyi meydâna çıkarmış olduğu