HİLÂL-İ AHMER MECMÛʻALARI / CİLT 4

Türkiye Hilâl-i Ahmer Mecmû‘ası Sayı 39 1775 Hollanda Salîb-i Ahmeri Hollanda Salîb-i Ahmeri 27 Eylül'den 4 Teşrîn-i Evvel 1924 târîhine kadar devâm eden bir Salîb-i Ahmer propaganda haftası tertîb etmiş idi. Bu münâsebetle mezkûr müessese, "Salîb-i Ahmer" unvânıyla bir hitâbe neşreylemişdir. _______________ Amerika Salîb-i Ahmeri Amerika Salîb-i Ahmer Müzesi, Beynelmilel Salîb-i Ahmer Komitesi'ni teʼsîs maksadıyla 1864 târîhinde Cenevre'de inʻikâd eden ilk konferansı musavver Arman de Marek tarafından yapılmış olan levhayı satın almışdır. _______________ [112] Kostarika Salîb-i Ahmeri Geçen Mart ayında Kostarika Cumhûriyeti'nde vukûʻa gelen hareket-i arz münâsebetiyle Ame- rika Salîb-i Ahmeri, Kostarika Salîb-i Ahmeri'ne beş bin İngiliz lirası teberruʻ ve irsâl eylemiş idi. Meblağ-ı mezkûr ile Kostarika Salîb-i Ahmeri birçok âilelere melce ve penâh olan oluklu çin- kodan büyük bir binâ yapdırmış ve üzerine iri harflerle "Amerika Salîb-i Ahmeri" levhasını taʻlîk etmişdir. _______________ MUKTEBESÂT Hareket-i arz küremizin en eski derdidir. Arzımız ihtiyârladıkça bu beliyye de şiddetini tahfîf etmekdedir. Sath-ı arzın titremediği zamân hiç yokdur. Sismograflar vaktiyle haber verse de hâne- lerimizi yıkılmakdan kurtaramaz. Siman arme inşâât her zamân muʻâvenete hâzır olmak lâzımdır. Erzurum'daki zelzele hareketlerin en müdhişi olan bünyevî nevʻdendir, mâddî muʻâvenetler, maʻnevî tesellîler… _______________ Hareket-i arz küremizin en kadîm derdlerinden biridir. Cirmimiz daha bidâyet-i teşekkülün- de varlık âlemine gözlerini çırpına çırpına açmış, kışr bağlayıp devre-i hayâtiyeye girinceye kadar öyle inkılâblar, herc ü mercler geçirmişdir ki, tamâmen taʻrîf ve tasvîrinin bile imkânı yokdur. Eski zelzelelerin bir anda koca bir cihân kıtʻasını zemîne gömebildiğini zikreder isek ilk jeolojik devir- lerde harekât-ı arziyenin ne mahûf teʼsîrler gösterdiğini bir dereceye kadar anlatmış oluruz. İnsânın zuhûruna tesâdüf etdiği yavaş yavaş tahakkuk eden üçüncü jeolojik devrindeki zelzeleler bile bu- günkülerine nisbeten daha pek çok müdhiş olduğuna dâir pek çok emâreler vardır. Zavallı ecdâdımız ne felâketlere maʻrûz kalmışlar, binlerce hallâc pamuğu gibi taşlara, kayalara çarpıla çarpıla zemîne gömülmüşlerdir.