HİLÂL-İ AHMER MECMÛʻALARI / CİLT 4

Türkiye Hilâl-i Ahmer Mecmû‘ası Sayı 35 1479 MAYIS AYI ZARFINDA İstanbul Gülhane Dispanseri: 64'ü muhâcir çocuğu olmak üzere 364 hasta muʻâyene ve bun- lardan 49'u hastahânelere sevk edilmiş, 6 vefât vukûʻ bulmuşdur. Misâfirhânemizde 2.114 muhâcir mevcûd olup beş çocuk doğmuşdur. Çatalca İmdâd-ı Sıhhî Heyʼeti: Hastahâne ile dispansere altısı çocuk olmak üzere 83 hasta mürâcaʻat etmiş ve beş vefât vukûʻa gelmişdir. Niğde İmdâd-ı Sıhhî Heyʼeti: 10 Mayıs'da hâl-i faʻâliyete gelen bu heyʼet hastahânesine on bir muhâcir hasta mürâcaʻat edip biri vefât, yedisi kesb-i âfiyet etmişdir. 3 hasta taht-ı tedâvîdedir. İzmit İmdâd-ı Sıhhî Heyʼeti: 52'si çocuk olmak üzere 239 hasta mürâcaʻat eylemiş ve ayakda te- dâvîleri mümkün olamayanlar hastahâneye yatırılmışdır. Hastahânede 54 hasta taht-ı tedâvîye alınıp 32'si şifâyâb olmuş ve yedisi vefât etmişdir. Mütebâkîsi tedâvî olunmakdadır. Adana İmdâd-ı Sıhhî Heyʼeti: Mayıs ayı zarfında Adana Dispa[n]seri'mizde 1.054'ü erkek ve 1.325'i kadın olmak üzere 2.379 kişi muʻâyene ve tedâvî edilmişdir. Kozana İmdâd-ı Sıhhî Heyʼeti: Karaferye mıntıkası dâhil olduğu hâlde dispanser tarafından 93'ü çocuk olmak üzere 359 hasta muʻâyene edilip bunlardan bir hasta vefât etmiş ve bir hasta da Selanik İmdâd-ı Sıhhî Hastahânesi'ne sevk edilip diğerleri kesb-i ifâkat eylemişdir. Kayalar İmdâd-ı Sıhhî Heyʼeti: Esnâ-yı sevkde 126'sı çocuk olmak üzere 580 hasta mürâcaʻat eylemiş ve heyʼetin bidâyet-i teessüsünden Mayıs nihâyetine kadar 23.173 nüfûsa çiçek aşısı tatbîk edilmişdir. Selanik İmdâd-ı Sıhhî Heyʼeti: Kireçköy Kampı ile Islahhane Dispanserlerine 274'ü çocuk ol- mak üzere 9.720 muhâcir hasta mürâcaʻat eylemiş ve tedâvîleri icrâ edilmişdir. Hastahânede 55 has- ta taht-ı tedâvîdedir. Selanik'de 10'u veremden olmak üzere yirmi iki hasta vefât etmişdir. Selanik Dispanseri'ne gayr-i müslimler dahi mürâcaʻat eylemiş ve bunların dahi Hilâl-i Ahmer'in şiʻârı olan bî-taraflık îcâbı olarak muʻâyene ve tedâvîleri icrâ edilmişdir. Bir ay zarfında mürâcaʻat eden gayr-i müslimlerin adedi 248'dir. Mersin İmdâd-ı Sıhhî Heyʼeti: 175'i çocuk olmak üzere muʻâyenehâneye ayakda tedâvî olun- mak üzere 1.001 muhâcir hasta mürâcaʻat edip bunlardan 45'i hastahâneye yatırılmış ve mevcûddan yirmi beş hasta vefât edip mütebâkîsi kesb-i ifâkat [365] eylemişdir. Vefât edenlerin onu çocuk, altısı ihtiyâr olup kusûru orta yaşlıdır. Kalikratya İmdâd-ı Sıhhî Heyʼeti: Ayakda muʻâyeneleri icrâ edilen 298 hastadan 58'i hastahâ- neye yatırılmış ve esnâ-yı vürûdunda vefât eden on alîl ihtiyâr ve zaʻîf çocukdan mâʻadâ taht-ı tedâvî- de olanlardan 24 hasta vefât eylemiş ve iki hasta görülen lüzûm üzerine İstanbul hastahânelerine sevk edilmiş ve diğerleri kesb-i ifâkat eylemişdir. Tekfurdağı İmdâd-ı Sıhhî Heyʼeti: 169'u çocuk olmak üzere muʻâyenehâneye 709 muhâcir mürâcaʻat ederek taht-ı tedâvîye alınmışdır. Hastahânede 56 hasta taht-ı tedâvîye alınıp 33 hasta kesb-i âfiyet eylemiş, 17'si vefât edip altı hasta taht-ı tedâvîde kalmışdır. Muhtâc 429 muhâcire battâ- niye ve levâzım-ı iksâiye verilmişdir. Samsun İmdâd-ı Sıhhî Heyʼeti: 375'i çocuk olmak üzere 714 muhâcir muʻâyenehâneye mürâ- caʻat eylemiş ve hâricde beş veremli ve 43 çocuk olmak üzere 54 hasta vefât etmiş ve hastahânede yüz elli hasta taht-ı tedâvîye alınıp ikisi verem, onu zâtürriʼe ve beşi tifo ve mütebâkîsi ilel-i muhte- lifeden olmak üzere 29 hasta vefât etmiş ve 61 hasta taht-ı tedâvîde kalmışdır.