HİLÂL-İ AHMER MECMÛʻALARI / CİLT 4

Türkiye Hilâl-i Ahmer Mecmû‘ası Sayı 35 1484 Eser-i Mürüvvet Tarsus refîk-i muhteremimizde okuduğumuza göre, Mersin tüccârından Fabrikatör Veli Tevfik Bey, Hilâl-i Ahmer hastahâneleri ve müessesât-ı sıhhiye için yevmî iktizâ eden buzu teberruʻ ediyor- muş. Mecmûʻamız teşekkürünü îfâ ederken bu gibi zevâtın tekessürüne de duʻâ eyler. Merkez ve Şuʻbelerimizin Cevâbları Geçen nüshamızda merkez ve şuʻbelerimizden taʻmîmen vukûʻ bulan ricâya cevâben ber-ve- ch-i âtî cevâblar gelmişdir: Karacabey Şuʻbesi: 1 Mart [1]340 [1924] senesinde teşekkül etdiğinden bittabʻ [1]339 [1923] senesinin mukayyed vâridât ve masârıfı yokdur. Şuʻbe: Ticâret Odası Reîsi Hacı Muradzâde Sü- leyman Efendi reîs, Hükûmet Tabîbi Hasan Şahin Bey kâtib, Belediye Sandık Emîni Asım Efendi veznedâr, Belediye Reîsi Şerefeddin Efendi aʻzâ, eşrâfdan Mehmed Efendi aʻzâ, Müderris Abdullah Efendi aʻzâ, Eczâcı Nuri Bey aʻzâ. Aded-i aʻzâya cevâb verilmemişdir. Aʻzâ yoksa şuʻbe nasıl teşekkül etmişdir? Bu suâle hakkı- mız olsa gerek. Aydın Hanımlar Heyʼet-i Merkeziyesi 28 Haziran [1]340 [1924] târîhinde teşekkül eden [370] Hanımlar Heyʼet-i Merkeziyesi ber-vech-i âtî hanımlardan te- şekkül etmişdir: Azize Ziya Hanım birinci reîs, Makbule Ferid Hanım ikinci reîs, Saime Hanım kâtib, Hüsniye Tevfik Hanım kâtib. Aʻzâlar: Lütfiye Cemal Hanım, Macide Asım Hanım, Safvet Mehmed Hanım, Naciye Mevlud Hanım, Firdevs Ali Hanım, Nazmiye Esad Hanım, İffet Emin Hanım, Tevfik Bey kerîmesi Hanım. Aded-i aʻzâ hakkında maʻlûmât verilmemişdir. Tire Şuʻbesi: Bu şuʻbede 126 erkek aʻzâ mevcûddur. [1]339 [1923] senesi vâridât-ı umûmiyesi 379.607 kuruşdur. Şuʻbe heyʼeti ber-vech-i âtî zevâtdan müteşekkildir: Müftü Sunullah Efendi reîs, Belediye Muhâsib-i mesʼûlü Hâmid Efendi kâtib, Belediye aʻzâsından Hacı Şerifzâde Zihni Bey veznedâr. Aʻzâ: Belediye aʻzâsından Şeyhzâde Hâfız Süleyman, Ti- câret Odası Reîsi Halim, tüccârdan Mustafa Sırrı ve Muhyiddin Efendilerle Belediye aʻzâsından Refik Bey'dir. Vâridâtdan ne mikdârı mahallinde sarf ve ne kadarı mer- kez-i umûmîye irsâl kılındığını ve masârıf-ı mahalliyenin mik- dârı ve kadın aʻzâ olup olmadığı bildirilmemişdir. _______________ Bosna-Hersek Reîsü'l-Ulemâsı Mehmed Cemaleddin Ça[vu]şeviç Efendi hazretleri Mouhammed Djémaleddin Tchaouchowitch Eff. Réis al Uléma de Bosnie-Herzégovine (Geçen nüshamızda Hilâl-i Ahmer'e küllî iʻânede bulunduğu yazılmışdı.)