HİLÂL-İ AHMER MECMÛʻALARI / CİLT 4

Türkiye Hilâl-i Ahmer Mecmû‘ası Sayı 41 1878 lâzımdır. Telin delikleri 1,8 milimetre murabbaʻını geçmemelidir. Mesâkinin kapıları çift olarak iʻmâl edilecek ve dışarıya açılacakdır. Sıtmanın müstevlî olduğu İtalya arâzîsi, Afrika'da Alman ve İngiliz müstemlekâtı bu tedbîrden pek çok istifâde etmişdir. Gece yatarken muhakkak cibinlik kullanmalıdır. Cibinlik sık telli dokumalı olmalı ve uçları ya- tağın alt tarafına sokulmalıdır. Aç sivrisineklerin cibinlik üzerinden hortumlarını sokmasına mâniʻ ol- mak için cibinliğin alt kısmına dâiren mâdâr 25 santimetre eninde keten şerid dikmelidir. Fi'l-hakîka yaz gecelerinde cibinlik hâricinde ve etrâfında ağızları sulanarak devreden haşerâtın şahıs meydâna çıkmasıyla üzerine üşüşdükleri [176] ve hattâ kovaladıkları görülmüşdür. Sıtmalı menâtıka, haşerâtı mebzûl sayfiyeye çıkacakların evvel emirde birer cibinlik tedârük etmeleri ve bu husûsun teʻâmül olması şâyân-ı arzudur. Eldiven ve sivrisinek peçeleriyle geceleri seyerân biraz hayâl olunmakla berâber sivrisinek belâsı pek şiddetli olduğu zamân şâyân-ı tavsiyedir. Bu gibi menâtıkda yazın iskarpin kullanılmaması ve hattâ getr giyilmesi bile ehemmiyetli bir tedbîr hükmüne geçer. Cild üzerine sürülen bütün kimyevî ilâcların sivrisineklere karşı teʼsîrsiz olduğu tecrübe ile taʻayyün etmişdir. Yalnız bazı mıntıkalarda anofellere tesâdüf etmeyen müellifler, orada husûsî bir haşerenin mev- cûd olduğunu fark ede[re]k bu husûsa ehemmiyet vermişler ve el-yevm dragon nâm sineklerin anofel düşmanı oldukları tahakkuk etmişdir. Binâberîn bu haşerenin anofel harbi nokta-i nazarından üretilmesi ve görülen yerlerde öldürül- memesi de ehemmiyet kesb etmekdedir. Sivrisinek mücâdelesini memleketimizde bir kânûn ile mecbûrî kılmak cumhûriyetin sıtma mü- câdelesindeki atdığı adımın ilk merhalesi olacakdır. Gerçi hükûmetin bu kadar muʻdil bir mesʼeleyi esâsen açık olan büdcesi ile halledilebileceği müşkil olmakla berâber ve hükûmet el birliğiyle ve asgarî on sene müddetle muntazam ve muttarid bir program tahtında çalışdığı takdîrde en muhrib bir âfetin önüne geçeceği muhakkakdır. Binâberîn nesl-i hâzırın ensâl-i âtiye nâmına bu harbin masârıfına teşrîki zarûrî olduğunu da iʻtirâf etmek iktizâ eder. El-hâsıl anofel harbi ciddî başlanarak azim ve îmân ile devâm etdiği takdîrde yetişecek ve gelecek Türk nesilleri bu haşerenin eşkâl ve numûnelerini ancak cumhûriyetin müzelerinde görebi- leceklerdir. AMERİKA'DA SALÎB-İ AHMER PROPAGANDAVÂSITALARI Cemâhîr-i Müttefika-i Amerika'nın Harb-i Umûmî'de derʻuhde eylediği vezâif tevessüʻ eyle- dikçe Salîb-i Ahmer Cemʻiyeti de müessesâtını o nisbetde tezyîd ü tevsîʻe mecbûr oldu. 1917 senesinin sonunda Amerika Salîb-i Ahmeri 20 milyon aʻzâya ve 11 milyon mektebli gö- nüllü aʻzâya mâlik bulunuyordu.