HİLÂL-İ AHMER MECMÛʻALARI / CİLT 4

Türkiye Hilâl-i Ahmer Mecmû‘ası Sayı 41 1887 Kanada Salîb-i Ahmeri Kanada'nın Alberta Salîb-i Ahmer Merkezi, ahâlîsi seyrek olan menâtık hastalarının naklinde istihdâm edilmek üzere bir ambülans tayyâresi mübâyaʻasına karâr vermişdir. Mezkûr Salîb-i Ahmer'in heyʼet-i ittihâdiyeye bu husûsdaki mürâcaʻatına Fransa Harbiye Nezâ- reti Sıhhiye Dâiresince kabûl edilmiş olan tayyâreler tavsiye edilmekdedir. _______________ Japonya Salîb-i Ahmeri Japonya Salîb-i Ahmeri'nde hastabakıcılık teşkîlâtına 1890 senesi Nisan'ında Tokyo Salîb-i Ah- mer Hastahânesi'nde başlanmışdır. El-yevm Tokyo'dan mâʻadâ diğer on sekiz Salîb-i Ahmer hastahânelerinde hastabakıcılık ted- rîsâtı icrâ edilmekdedir. Üç seneden ibâret olan devre-i tedrîsiye masârıfı kâmilen Salîb-i Ahmer'e âiddir. Cemʻiyetin her sene için 1.000 tâlibâtı vardır. Tâlibât şehâdetnâme aldıkdan sonra Salîb-i Ahmer hastahânelerinde veya arzu etdiği diğer her- hangi bir vazîfe ve hizmeti kabûlde serbestdir. Ancak târîh-i meʼzûniyetinden iʻtibâren on iki sene zarfında Salîb-i Ahmer'in mürâcaʻatına icâbet etmesi mecbûrîdir. Gönüllü Kadın Hastabakıcıları nâmıyla 1887 senesinde teşekkül eden cemʻiyetin 1923 senesi nihâyetinde mikdâr-ı aʻzâsı 18.000'e bâliğ olmuşdur. KİTÂBİYÂT Etfâle Muʻâvenet Beynelmilel İttihâdı, 1924 Senesinde Viyana ve Budapeşte'de İnʻikâd Eden Çocuk Kongresi Hilâl-i Ahmer Cemʻiyeti Reîs-i Sânîsi Müderris Doktor Besim Ömer Paşa ahîren bu nâm altın- da bir risâle neşretdiler. Himâye-i Etfâl ve Hilâl-i Ahmer Cemʻiyetlerinin aʻzâ ve erkânıyla heyʼât-ı merkeziyesini ya- kından alâkadâr [185] edecek olan bu küçük eser, Etfâle Muʻâvenet Beynelmilel İttihâdı'na ve bu heyʼet-i ittihâdiyeye merbût komitelere ve be-tahsîs Türk Komitesi Nizâmnâme-i Esâsîsi 'ne ve 1921 senesinden 1924 senesine kadar inʻikâd eden muhtelif kongrelere mütedâir maʻlûmâtı ve paşa hazret- leriyle diğer murahhaslarımızın eytâm ve bîkes çocuklar hakkında vukûʻ bulan pek mühim beyânâtını ihtivâ etmekdedir. Eserin aksâm-ı mühimmesini nakil ve derce mecmûʻanın hacmi müsâʻid olmadığından yalnız hâtimesini teşkîl eden kısmını aynen iktibâs ediyoruz. Her nerede ictimâʻ ederse etsin, ister hayr u hasenâta, umûr-ı hayriyeye, isterse ilm ü fenne veya siyâsiyâta dâir olsun, inʻikâd eden kongre ve konferanslarda murahhasın en mühim vazîfesi memle- ketin menâfiʻ ve hukûkunu mümkün olduğu kadar tervîc ve müdâfaʻa etmek ve aldığı maʻlûmâtı, gör- düğü husûsâtı ileride bu gibi ictimâʻâtda mûcib-i istifâde olacağı fikriyle zabt ve tesbît eylemekdir.