HİLÂL-İ AHMER MECMÛʻALARI / CİLT 4

Türkiye Hilâl-i Ahmer Mecmû‘ası Sayı 36 1533 Yeni cumhûrî hükûmetimizin ehemmiyete aldığı siyâset-i hâriciye kadar siyâset-i dâhiliyesinde nüfûs daʻvâsını taʻkîb edegeldiği hiç şübhesizdir. Feyz ve bereketli, vâsiʻ bir cumhuriyet mesâhasında yaşayan halkın adedi garbın başlıca büyük şehirlerinde yerleşen nüfûsun adedine hem-civâr olduğu bir hakîkat olursa bu husûsun hükûmet kadar milleti de alâkadâr edeceği muhtâc-ı îzâh olmasa ge- rekdir. El-hâsıl bir millet ve hükûmetin nüfûs siyâseti müsbet olmaz ve nüfûsun çoğalması o memle- ketde ehemmiyetli derecede tebârüz etmezse, geçirdiğimiz şu inkılâb devrelerinde rasîn ve mümtâz bir mevkiʻ-i siyâsî alınabilmesi mümkün değildir. Binâenaleyh bilâ-ifâte-i vakt gerek ricâl-i hükûmet ve gerekse benâm millet bu husûsun da halk umdeleri meyânına idhâline gayret ve milletimizin rubʻ asırda hiç olmazsa tenâkus etmemesine ve nısf asırda da tezâyüdü çârelerine el birliğiyle himmet etmelidirler. _______________ MALARYAMÜCÂDELESİ VE KİNİN FİKDÂNI Dünyânın birçok memleketlerinde malarya salgınının tahrîbât-ı vahîmesi son zamânlarda gerek mecâmiʻ-i tıbbiyenin ve gerek cihân matbûʻâtının nazar-ı dikkatini celb etmekden hâlî kalmamak- dadır. Cenûbî Rusya ile Gürcistan'da icrâ-yı hükm eden bu âfet hakkında elde etdiğimiz maʻlûmâtı geçen nüshalarımızdan birinde neşretmiş idik. Malarya mücâdelesi için Kânûn-ı Sânî'de Moskova'da inʻikâd eden ikinci kongrede bir Rus tabîbi malaryalı mesâkinin adedini on, on iki milyon tahmîn etdiğini ve bazı menâtıkda malaryadan vefât eden etfâlin hemen yüzde seksene vâsıl olduğunu haber vermişdir. Malaryaya karşı yapılan mücâdele dünyânın her tarafında kinin fikdânından dolayı gitdikçe müşkilâta uğradığı da görülmekdedir. Times gazetesinin geçen 5 Mayıs târîhli nüshasında neşredilen bir makâlede senevî kinin istih- sâlâtının ancak altı yüz tonilatoya bâliğ olduğu ve bu mikdârın ihtiyâcâta gayr-ı kâfi görüldüğü ve kinin fiyâtının 1914 senesinden beri dört misli tezâyüd etdiği bildirilmekdedir. Havâyic-i zarûriyeye karşı yapılan ihtikâr kinine de sirâyet etdiğinden sıhhiye idârelerinin vezâifi bu cihetden de dûçâr-ı işkâl edilmiş oluyor. [397] Malaryaya karşı tedâbîr-i vâkıye ittihâzı sûretiyle mücâdele vesâitini tedkîk için Cemʻi- yet-i Akvâm tarafından ahîren Arnavudluk ile Yunanistan'a husûsî komiserler iʻzâm edilmişdir. İşbu âfetden pek muztar bir mevkiʻde kalan İran, Cemʻiyet-i Akvâm'dan bir heyʼet-i sıhhiye ile kinin taleb etmişdir. Yunanistan'da ise ahâlîden iki milyon nüfûsun yani sekene-i memleketin üçde birinin malaryalı olduğunu Sıhhiye Nezâreti ʻlân ediyor. Yunan Sıhhiye Nezâreti'nde teşekkül eden husûsî bir hıfzıssıhha şuʻbesi müzmin hâle gelmiş otuz bin vekâyiʻ-i maraziyenin tedâvîsiyle meşgûl bulunmakdadır. Bu otuz bin kişinin tedâvîsine muktezî kinin mikdârı tahmînen dokuz tonilatodur. Hâlbuki hükûmetin kinin mevcûdu geçen Şubat ayında beş yüz kilo kalmışdı. Amerika Salîb-i Ahmeri Türkiye'den Yunanistan'a nakledilen muhâcirînin tedâvîsi için dokuz tonilato kinin teberruʻ etmişdi.