HİLÂL-İ AHMER MECMÛʻALARI / CİLT 4

Türkiye Hilâl-i Ahmer Mecmû‘ası Sayı 36 1535 Hindistan mahsûlâtı ise ancak istihlâkât-ı mahalli- yeye kifâyet edecek derecededir. Peru, Bolivya, Hatt-ı İstivâ kınakına ormanlarından gâyet az istifâde edilmekdedir. Son söz olmak üzere diyebilirim ki, biraz şübheli olmakla berâber kınakına zerʻiyâtı [için] Batum havâlî- sinde iklîmi muʻtedil mahalleri intihâb etmek lâzımdır". HİLÂL-İ AHMER HAVÂDİSİ Samsun Şehrinin Hilâl-i Ahmer'e Muʻâveneti Samsun'un güzîde ve mümtâz sîmâlarının delâle- ti ve tüccâr ve vücûh ve eşrâf-ı beldenin iştirâkıyla es- nâf ve halka bâr olmaksızın Hilâl-i Ahmer Cemʻiyeti'ne teʼmîn [399] edilecek menâbiʻ-i vâridât hakkında Sam- sun Hilâl-i Ahmer Merkezi'nde ve bilâhare Nemlîzâdeler müessesesinde akdedilen müteʻaddid celselerde cereyân eden müzâkerât netîcesinde tüccârın cemʻiyete bir muʻâ- venet-i hayır-perverânesi olmak üzere manifestoya dâhil olan bi'l-cümle idhâlât ve ihrâcât eşyâsının beher yüz ki- losundan bir kuruş ve beher reʼs koyundan kırk para ve mevâşî-i sâireden beş kuruş teberruʻ edilmesi tensîb edil- miş ve Ticâret Odası'nın da muvâfakati istihsâl edildik- den sonra tensîb-i vâkiʻ mevkiʻ-i tatbîke vazʻ edilmiş idi. Üç aydan beri kemâl-i muvaffakiyetle devâm ede- gelmekde olan işbu teşebbüse bütün mevcûdiyetleriyle sarf-ı mesâʻî eden zevât meyânında bilhâssa Nemlîzâde Galib, Alemdârzâde Mehmed, Hacı Mesudzâde Rüs- tem, Reji Fabrikası Müdürü Rüşdü, sâbık mebʻûslardan Ziya Hurşid ve Samsun Hilâl-i Ahmer Merkezi Reîsi Kırzâde Yusuf ve reîs-i sânîsi Doktor Nuri Osman Bey- lere mecmûʻamız arz-ı teşekkür ve minnetdârî eyler. _______________ Madam Doughty Willy Mütâreke esnâsında Yunan mezâliminden kaçan Samanlıdağ şibh-i cezîresi ahâlîsi İstanbul'a muhâceret etdiği vakit, Madam Doughty Willy nâmında yüksek hisli İngiliz bir kadın kendi parasıyla 300 kişilik bir aş- hâne küşâd ederek onu birkaç ay idâme etmiş idi. Hilâl-i Ahmer mefkûresinin neşr u taʻmîminde fevkalâde hizmetleri sebk eden Samsun Reji Fabrikası Müdürü Rüşdü Beyefendi Ruchdi Bey, directeur de la Régie des Tabacs de Samsoun grand propagandiste de lʼoeuvre du C.R.T. Samsun Hilâl-i Ahmer Merkezi Reîs-i muhteremi Kırzâde Yusuf Bey Kir Zadé Youssouf Bey, Président du Comité du Croissant-Rouge de Samsoun