HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 43 2016 Şûrâ-yı mezkûr dahi bunu hükûmât-ı sâire-i mümziyenin kâffesine teblîğ edecekdir. Diğer hükûmet- ler dahi aynı şekil ve sûretde mukâveleye iştirâk talebinde bulunabilecekler ise de bu talebleri İsviçre Şûrâ-yı Hükûmeti'ne teblîğnâme irsâlinden iʻtibâren bir sene hitâmına kadar hükûmât-ı âkıdeden hiçbiri cânibinden bir muhâlefet vukûʻ bulmadığı takdîrde müsmir olacakdır. Otuz Üçüncü Mâdde- Âkıdeynden her biri mukâvele-i hâzıranın mefsûhiyetini iʻlân etmek [274] salâhiyetini hâiz olacakdır. Bu fesih muʻâmelesi İsviçre Şurâ-yı Hükûmeti'ne tahrîren teblîğ-i keyfiyet edildikden sonra ancak bir sene sonra teʼsîrini gösterecekdir. Şûrâ-yı mezkûr bu yoldaki teblîgâtı derhâl diğer hükûmât-ı âkıdeden her birine bildirecekdir. İşbu iʻlân-ı mefsûhiyet ancak onu teblîğ eden hükûmet hakkında muʻteber olacakdır. Tasdîkan li'l-makâl murahhasân-ı mûmâileyhim işbu mukâvelenâmeyi imzâ ve mühürleriyle tahtîm eylemişlerdir. İşbu mukâvelenâme bin dokuz yüz altı senesi Temmuz'unun altıncı günü Cenevre'de yalnız bir nüsha olarak tanzîm edilmiş olup bu nüs- ha İsviçre Hükûmeti sicillâtında mahfûz kalacak ve musaddak sûretleri diplomasi tarîkıyla hükûmât-ı âkıdeye iʻtâ ve tevdîʻ kılınacakdır. _______________ HİLÂL-İ AHMER HAVÂDİSİ Abdurrahman Şeref Beyefendi'nin Vefâtı Yenibahçe'de Gurebâ Hastahânesi'nde taht-ı tedâvîde bulunan Hilâl-i Ahmer Cemʻiyeti Reîs-i Evveli ve İstanbul Mebʻûsu Abdurrahman Şeref Bey 18 Şubat'da öğleden sonra sâʻat üç buçukda irtihâl-i dâr-ı bekâ eyledi. Cenâze merâsimi için yapılan program mûcebince tabut bir Türk sancağına sarılmış olduğu hâlde Şubat'ın yir- minci Cuma günü sâʻât on birde talebe-i kadîmesinin eyâ- dî-i taʻzîminde Gurebâ Hastahânesi'nden çıkarılmış, Yeni- bahçe, Sülüklü, Etmeydanı, Ortaçeşme yolu taʻkîb edilerek Fatih'de cenâze namâzı kılındıkdan sonra Edirnekapı Câd- desi tarîkıyla Otaktepe'de ihzâr olunan merkad-i mahsûsu- na defnedilmişdir. Cenâze merâsimine İstanbul'da bulunan mebʻûs- larla ricâl ve erkân-ı hükûmet ve Hilâl-i Ahmer Merkez-i Umûmî aʻzâsı ve rüesâ-yı meʼmûrîni, bi'l-cümle cemʻiyet- ler ve merhûmun yetişdirdiği talebe ile mekâtib-i âliye ta- lebesi iştirâk etmişdir. Abdurrahman Şeref Bey, 1263 [1847] târîhinde İs- tanbul'da tevellüd etmiş olmasına nazaran vefâtında yetmiş sekiz yaşında bulunmakda idi. 1297'de [1881] Mekteb-i Mülkiye Müdüriyeti'ne taʻyîn edilen merhûm-ı müşârunileyh, tâm 17 sene bu vazî- fede kalmış ve 1310 senesinde Galatasarây Sultânîsi Mü- düriyeti'ne tahvîl-i meʼmûriyet etmiş ve bu irfân müessese- sinin de on dört sene riyâsetinde bulunmuş idi. [275] Devr-i Meşrûtiyet'de Defter-i Hâkânî emîni ve bilâhare aʻyân aʻzâsı ve Maʻârif-i Umûmiye nâzırı oldu. Vakʻanüvislik de uhdesinde bulunmakda idi. Hilâl-i Ahmer Merkez-i Umûmîsi Reîs-i Evveli Abdurrahman Şeref Bey merhûm Abdul Rahman Cheref Bey, Président du Croissant-Rouge, décédé le 18 Février dernier