HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 44 2043 CÂMİʻ VE BAYRAM GÜNLERİ Hilâl-i Ahmer, Salîb-i Ahmerlerle diğer müessesât-ı hayriye gibi erbâb-ı hayr u hasenâtın muʻâ- venet-i mâddiye ve maʻneviyeleriyle yaşar ve inkişâf eder. Muʻâvenet ya doğrudan doğruya erbâb-ı hayr u hasenât tarafından eşyâ ve mebâliğ tevdîʻi sûretiyle vukûʻ bulur yâhûd müessesât-ı hayriye tarafından sûret-i münâsibede istihsâl olunur. İhtiyâc, vâsıtayı tevlîd eder, derler. Bu pek doğrudur. Harb-i Umûmî esnâsında derece-i teʻâ- vünlerini pek çok yükselten Salîb-i Ahmerler, vâridât-ı menâbiʻi bulmak maksadıyla muhtelif vâsıta- lara mürâcaʻat etmişlerdir. Bu vâsıtalardan biri de Cemâhîr-i Müttefika-i Amerika'da ve İngiltere'de "Church Day", yani "Kilise Günü" tesmiye olunanıdır. Bu iki memleketin Salîb-i Ahmer Cemʻiyetleri senenin birkaç muʻayyen gününde bütün kiliselerde para toplamak usûlünü ihdâs ederek pek parlak semereler elde etmişlerdir. Amerika ve İngiliz Salîb-i Ahmerlerinin vâridât fasıllarından en mühimmini teşkîl eden "Kilise Günü" faslı bu iki cemʻiyete büyük vâridât teʼmîn ediyor. Hilâl-i Ahmer de "Câmiʻ ve Bayram Günleri"ni ihdâs etmişdir. Maʻlûmdur ki, İstanbul'da Ra- mazân Bayramı'nın ilk günü, Hilâl-i Ahmer'in çiçek günüdür. Bu âdet bâkî kalmakla berâber Rama- zan ve Kurban [291] Bayramlarının ilk günleri Câmiʻ Günleri ittihâz ediliyor. Bu iki mübârek günde bayram namâzına giden her müslümân, câmiʻ-i şerîfe konacak bir kutu veya tepsiye gönlünden ne ko- par ise atar. Bu âdet, Türkiye Cumhûriyeti'nin en küçük köylerindeki câmiʻlere kadar teşmîl edilebilir. Bu sûretle Ramazân ve Kurbân Bayramlarının ilk günlerinde, bayram namâzının edâsından sonra bütün millet, Hilâl-i Ahmer'i yani bütün eytâm, erâmil ve fukarâyı, muhâcirleri düşünmek fır- satını elde etmiş olur. Bütün memâlik-i İslâmiye'deki câmiʻlerden de aynı himmet ve mürüvvetin ibzâline intizâr olu- nur. Câmiʻ ve Bayram Günleri'nin hâsılâtı, ber-muʻtâd mecmûʻamızda neşredilecekdir. Bir Ricâ: Türkçe gazetelerin muhtelif lisânlarda neşrolunan cerâid-i İslâmiye'nin bu küçük beyânnâmeyi sütûnlarında neşir ve derc eylemelerini hakkımızdaki dâimî lütuf ve teveccühlerinden ricâ ve niyâz ederiz. Hilâl-i Ahmer Mecmûʻası İCTİMÂʻÎ HIFZISSIHHA -19- Şark Çıbanı Anadolu'yu şark-ı cenûbîden tehdîd ederek Konya, Haymana çöllerine kadar intişâr eden ve dâhildeki köy ve kasabâtda ekseriyetle temizliğe riʻâyet etmeyen halk ve kabîlelerde görülen bir has- talık da "şark çıbanı" olmuşdur.