HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 44 2052 Standard Oil Kumpanyası müstaʻmel tenekeleri mâl olduğu fiyâtdan dûn fiyâtla satar. Maksad da yerli ahâlîyi lambalar için nebâtî yağ yerine petrol istiʻmâline alışdırarak iyi bir "reklâm" yap- makdır. Yeniden birçok kuyuların keşfedilmesi üzerine yeni usûllerle bu kuyulardan çıkarılan petrolü cihân piyasasına sürʻatle nakletmek mecbûriyeti tahassul etmişdir. Toledo tasfiyehânelerine cesîm borularla gelen petrolün menbaʻ kuyuları bazen bin mil mesâ- fededir. Beş tasfiyehâne Toledo'yu büyük petrol merkezi yapmışdır. Şehrin tûlünce son bir mebânî-i müctemiʻayı teşkîl eden Harb-i Umûmî'de inşâ edilmiş bir nitrat fabrikası görülür. Bizim nitrat mües- sesemiz hiçbir zamân levâzım-ı harbiyede istiʻmâl edilmemişdir. Kemâl-i hulûs-ı kalb ile ümîd ede- riz ki, artık davul sesi gürlemeyecek ve harb sancakları gılâflarına sarılacak ve insânların mecâlis-i teşrîʻiyesiyle cihân ittihâdının sîne-i sükûnuna tevdîʻ edilecekdir. HİLÂL-İ AHMER HAVÂDİSİ Ramazân ve Bayram Tebriği Şeref-hulûl eden Ramazân-ı Şerîf ile mütekarribü'l-hulûl olan Îd-i Saʻîd-i Fıtır münâsebetiyle mecmûʻamız bütün kâriîn ve müteberriʻîn ve mütevassıtîn-i kirâm ile cemʻiyetimize her nevʻ muʻâveneti dirîğ buyurmayan muhterem Türk ve İslâm matbûʻâtına ve her fırsatda cemʻiyetimiz hakkında muzâheretde bulunan kâffe-i müʼ- minîn ve müʼminâta arz-ı tebrîkât eyler ve bu vesîle ile de her vakit devâm-ı teveccüh ve muʻâvenetlerini ricâ eder. Mahyâ ve Hilâl-i Ahmer Her sene olduğu gibi bu sene de Sultanahmed Câmiʻ-i Şerîfi minârelerinde 295 kandil ile tertîb edilen "Hilâl-i Ahmer'i Unutmayınız!" cümlesi mahyâ olarak gösterilmişdir. _______________ Eskişehir Anbârlarının Teftîşi Merkez-i umûmî aʻzâsından Doktor Celâl Muhtar Beyefendi ile Müfettiş-i Umûmî Vekîli Dok- tor Galib Hakkı Bey Eskişehir'e azîmetle ikmâl-i inşââtı kuvve-i karîbeye gelmiş olan anbârlar ile meʼmûrîn ve müstahdemîn dâirelerinin teftîşâtını icrâ ederek avdet etmişler ve bu bâbda muktezî raporu merkez-i umûmîye takdîm etmişlerdir. _______________