HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 45 2114 Kışla hayâtında alây ve taburun sabâh ve akşâm karavana bakâyâsı, ekmek kırıntıları muʻayyen sâʻatlerde kapının önüne bir sürü kelbin tecemmuʻuna ve taʻayyüşüne sebeb olmakla bir hâdise-i ic- timâʻiye hükmünde idi. Hattâ bunlardan tabasbus-ı kelbîyi fazlaca ızhâr edenler nevbetçilerin iltimâs ve husûsî inʻâmına bile mazhar olurlar. Bu mahlûkun fıtraten pek hassâs olması vezâif-i ictimâʻiyede cemʻiyet-i beşeriyeye müs- mir muʻâvenetlerde bulunmasına sebeb olmuşdur. Bugün harblerde sıhhiye bölüklerinde, teskereci taʻlîmlerinde, mecrûhîn nakliyât ve taharriyâtında bu hayvândan pek çok istifâde edilegelmekdedir. Kuduz, bir zamânlar en mahûf ve mühlik bir âfet iken bugün sâdece köpeklere tatbîk edilen takayyüdât, dâülkelb müesseselerinde ihdâs edilen faʻâliyet sâyesinde birçok memleketlerde mâzîye karışmış bulunuyor. Vâsiʻ ülkemizde tabâbetin bu mühim keşfi ile müftehir olmak, ictimâʻiyâtın bu gibi meşkûr semerâtını iktitâf edebilmek için uzun zamân ve büyük mesâʻîye ihtiyâc yokdur. Yalnız sokak köpeklerini itlâf etmek ve ev köpeklerini de bütün memâlik-i medeniyede tatbîk edilen usûller ile takyîd etmek kâfidir. Hattâ bu sûretle mevcûd iki dâülkelb müessesemizin faʻâliyeti bile ancak birkaç kazâî ve ârızî ısırılan eşhâs ve hayvânâta münhasır kalacağına şübhe etmemeliyiz. GENÇLİK SALÎB-İ AHMERİ (Geçen nüshadan mâbaʻd) -3- Teşkîlât Gençlik Salîb-i Ahmeri, millî ana Salîb-i Ahmer'i gibi beynelmilel bir mâhiyeti hâiz ve onun bir cüzʼ-i mütemmimidir. Salîb-i Ahmer faʻâliyetinin mekteblere idhâl edilmesi için Maʻârif-i Umûmiye Vekâleti'nin müsâʻade-i mahsûsası istihsâl edilmek lâzımdır. Bu müsâʻadenin istihsâlinden sonra muʻallim ve mürebbîlerle evliyâ-yı etfâl ve Salîb-i Ahmer mümessillerinden bir comité de patronage yani heyʼet-i hâmiye teşekkül eder. Gençlik heyʼet-i merkeziye riyâseti, Salîb-i Ahmer Cemʻiyeti'ne karşı mesʼûl ve terbiyevî mesâilde efkâr ve mütâlaʻâtı heyʼet-i tedrîsiyece şâyân-ı kabûl görülecek → Bir mekteb çocuğu, günde lâ-ekal on sâʻat uyumalıdır. [342] sâhib-i salâhiyet bir zâta tevdîʻ ve program millî Salîb-i Ahmer heyʼet-i merkeziye veya idâresi tarafından tertîb edilir. Merâkiz ve şuʻabâtda teşekkül edecek heyʼetlerin bir kısım aʻzâsı Gençlik Salîb-i Ahmeri umû- ruyla iştigâl edebilecek muʻallimînden intihâb olunur. Bu muʻallimler mıntıkaları dâhilinde bulunan muhtelif mekteb gruplarının arzu ve emellerinden maʻlûmâtdâr olacakları gibi millî Salîb-i Ahmer şuʻbesiyle gençlik dershânelerinde çalışan muʻallimler arasında vâsıta vazîfesini de görürler. Muʻallim, Gençlik Salîb-i Ahmeri'ne aʻzâ olamaz. Hattâ gençlik işleriyle alâkadâr bulunmasın- dan dolayı müdâhalesini daʻvet edecek ahvâl ve hâdisâtda bile muʻallimin kemâl-i ihtiyâtla hareket etmesi lâzımdır.