HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 45 2120 Telsiz Telefon ve Salîb-i Ahmer Gün geçdikçe hıfzıssıhha propagandalarında telsiz telefondan istifâde eden Salîb-i Ahmer Cemʻiyetlerinin adedi tezâyüd etdiği görülmekdedir. Telsiz telefonu ilk defa Amerika Salîb-i Ahmeri teksîr-i aʻzâ için yapdığı son seferberlikde her gün dört telefon teblîğ istasyonundan istifâde ederek hitâbeler neşri sûretiyle istiʻmâl etmişdi. Şika- go'da Salîb-i Ahmer tarafından verilen maʻlûmât-ı sıhhiye derslerinde de telsiz telefondan istifâde edilmekdedir. Kanada Salîb-i Ahmeri haftada birkaç defa halk hıfzıssıhhası, himâye-i etfâl ve Gençlik Salîb-i Ahmeri mevzûʻlarına dâir verdiği kısa kısa musâhabeleri telsiz telefonla yapmakdadır. Arjantin Salîb-i Ahmeri'nin tertîb etdiği iki konferansda halkı aʻzâ kaydetmek için zevât-ı maʻrûfe tarafından îrâd edilen teşvîkkâr nutuklar telsiz telefonla neşredilmişdir. Fransa'da 1923 senesinden iʻtibâren hıfzıssıhha konferansları Eyfel kulesinden telsiz telefonla muntazaman teblîğ edilmekdedir. Belçika Salîb-i Ahmer'nde her hafta telsiz telefonla verilen hıfzıssıhha konferansları bilâhare aylık Salîb-i Ahmer Mecmûʻası 'na da derc olunmakdadır. Belçika Salîb-i Ahmeri her on beş günde çocuklara mahsûs gülünçlü hikâyeler, şarkılar, hıf- zıssıhha öğütleri, Belçika ve memâlik-i ecnebiye Gençlik Salîb-i Ahmer havâdisi için telsiz telefon sahneleri tertîb etmekdedir. [347] Merkez-i idâresi Paris'de olan Salîb-i Ahmer Cemʻiyetleri Heyʼet-i İttihâdiyesi de Salîb-i Ahmer'e Salîb-i Ahmer sulh mesâʻîsine dâir konferanslar vermekde ve son aylarda "Bir Hayâtın Ede- biyâtı", "Sıtmaya Karşı Nasıl Mücâdele Edilmelidir?", "Cihân Etfâli Arasında Hatt-ı Vasl" gibi mev- zûʻlar üzerine verilen musâhabeler telsiz telefonla neşredilmişdir. HİLÂL-İ AHMER HAVÂDİSİ Reîsicumhûr ve Başvekîl Paşalar Hazerâtını Tebrîk Îd-i celîl-i millî ve îd-i saʻîd-i Fıtır münâsebetiyle Nisan'ın yirmi dördüncü günü âtîdeki tebrîk telgrafları keşîde edilmişdir: "-Ankara'da Reîsicumhûr Gâzî Mustafa Kemal Paşa hazretlerine, Hilâl-i Ahmer Cemʻiyeti, hâmî-i muʻazzamına bugün idrâkiyle mübâhî olduğumuz îd-i celîl-i millîyi tebrîk ve bu vesîle ile takdîm-i taʻzîmât eyler. Hilâl-i Ahmer Cemʻiyeti Reîs-i Sânîsi Âkil Muhtar" ***