HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 45 2129 Eserde süd çocuğunun kendisini kurtarıncaya kadar geçireceği zamândaki safahât-ı tekâmülüne âid en yeni maʻlûmât ve tatbîkât teʼlîf edilmiş ve sâde bir lisânla tecmîʻ edilmişdir. Evlâdını gözbebeği gibi seven ve uğrunda her bir fedâkârlığı göze alacak derecede şâyân-ı takdîs olan bi'l-umûm vâlidelere ve bilhâssa yeni yetişen neslin kız ve erkek talebesine bu eseri oku- mağı tavsiye ederiz. Hükûmetimizin be-gâyet ehemmiyet verdiği nüfûs siyâsetine mâ bihi'l-esâs olan himâye-i etfâlin bütün gavâmız ve gâyeleri bu kıymetdâr eserin mütâlaʻasından sonra vâzıh bir sû- retde anlaşılmakdadır. Böyle fâideli bir eser neşretdiklerinden dolayı kitâbın müellif-i muhteremini tebrîk ederiz. _______________ SALÎB-İ AHMER HAVÂDİSİ Amerika Salîb-i Ahmeri El-yevmAmerika Salîb-i Ahmeri'nin aʻzâ-yı mevcûdesi 3.360.000 tahmîn edilmekdedir. Geçen sonbahârda icrâ edilen aʻzâ kaydı seferberliği yeniden 237.000 aʻzâ kazandırmışdır. *** Amerika Sıhhat-i Etfâl Cemʻiyeti, Mayıs'ın birinci gününün Sıhhat-i Etfâl Günü olarak kabûl edilmesine teşebbüs etmekdedir. Bu husûsda geçen sene 1 Mayıs'da yapılan tezâhürâtın muvaffakatiyle tetevvüc etmesinden cesâret alan cemʻiyet-i mezkûre, iklîmi ve âdât-ı milliyesi müsâʻid olan memleketlerde bu usûlün taʻammüm etmesine çalışmakda ve Belçika ile İngiltere işbu teklîfe şimdiden büyük bir alâka göster- mekdedir. _______________ [254] Amerika'da Hastabakıcıların Tarz-ı Tahlîfi Buffalo'da geçen Teşrîn-i Evvel'de akd-i ictimâʻ eden Amerika hastahâneleri cemʻiyetinin has- tabakıcılar için kabûl etdiği yemîn sûreti: "-Mensûb olduğum hastahânede taht-ı tedâvîde bulunanlara tekmîl samîmiyetimle hizmet et- meği taʻahhüd ederim. Hizmetinde bulunduğum hastaların hayât-ı husûsiyeleri hakkında mesmûʻum olacak şeyleri hiç kimseye ifâ etmeyeceğimi vaʻd eylerim. Hastalığa karşı mücâdelede ve sıhhatin emr-i muhâfazasında hiçbir hizmetin hâr u hakîr olma- dığını ve binâenaleyh derʻuhde etdiğim vazîfenin şeref ü kudsiyetini takdîr ediyorum. Âmirlerimin bana tevdîʻ etdikleri vezâifi hulûs-ı kalble ve kemâl-i istikâmetle icrâ edeceğimi taʻahhüd ederim. Vazîfemi sabr u sebât, hilm ü rikkat ve vukûf-ı tâmla îfâ etmeği müteʻahhidim". _______________