HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 46 2166 bu menbaʻdan başka bir menbaʻın bulaşmamasına dikkat etmekdir. Binâenaleyh mücâdelede bu yeni mihrâkı en sürʻatli zamânda ele geçirip en şedîd müdâvât ile hemen söndürmek iktizâ eder ki, bu da ancak salvarsan denilen devânın tatbîki ile istihsâl edilir. Senelerden beri müteʻaddid ve mütekattıʻ tedâvîlere maʻrûz kalan ve frengili diye tavsîf edilen eşhâs, mücâdelede o kadar ehemmiyetli değildirler. Bunların aʻmâk-ı bedeninde yerleşen frengi spro- çetleri kül altında kalmış bir kıvılcım gibi beyin, murdâr ilik, kemik ilh. gibi aʻzâya hücûm ederek günün birinde ancak kendi sâhiblerini yakabilir. Bu gibi eşhâsı maʻkûl tedâvîler ile taʻkîb ederek âhir ömürlerinde başlarına gelecek fecîʻ bir ser-encâmdan kurtarmak mücâdeleden ziyâde bi'l-umûm sıhhî teşkîlâtın vezâifinden addolunabilir. Binâenaleyh günün birinde neslimizi tehdîd etmek ihtimâli olan ve anavatanın tenâkus-ı nüfû- sunda senelerden beri pek mühim bir âmil olmuş olan frengiye karşı şiddetli ve serîʻ mücâdele etmek cumhûriyetin bugünlerdeki sıhhî umdelerinden biri olmalıdır. Tifo, murdâr ve kirli elden geçer. [374] Mühim Bir Menbaʻ-ı Vâridât Devâir-i resmiye ve müessesât-ı husûsiyede sepetlere, şuraya buraya atılan kâğıd parçalarının toplanmasından İtalya Salîb-i Ahmeri'[nin] her sene üç milyon franga karîb mühim bir vâridât teʼmîn etdiğini geçenlerde haber vermiş idik. İtalya Salîb-i Ahmeri'nin teşkîlât hakkında irsâl etmek lütfunda bulunduğu îzâhâtı âtîye derc ediyoruz: İtalya Salîb-i Ahmeri menfaʻatine bî-lüzûm ve müstaʻmel kâğıd parçalarını toplamak fikri 1915 senesi Kânûn-ı Evvel'inde yani İtalya'nın Harb-i Umûmî'ye iştirâkinden sonra Roma Mahkemesi Kitâbet Dâiresi'nin birkaç güzîde meʼmûru tarafından derpîş edilmiş idi. Biraz sonra eyâlâtda 175 komite ve 120 tâlî komite teşekkül etdi. Daha sonraları bu komitelere hükkâm ve avukatlar da iştirâk etdiler ve bir şevk u gayret-i vatan-perverâne ile çalışarak merkezi, Roma'da olmak üzere Meclis-i Mebʻûsân aʻzâsından Sinyör Amadeo Sandiri'nin taht-ı riyâsetinde Evrâk Döküntüleri Millî Komitesi nâmıyla teşekkül eden komiteye tâbiʻ oldular. İtalya Hükûmeti, bu teşebbüsü takdîr ederek hemen bu komiteyi himâyesine aldı ve 1916 târîhli bir karârnâme ile devâir-i hükûmetde mevcûd bi'l-cümle bî-lüzûm evrâkın meccânen İtalya Salîb-i Ahmeri'ne terkini emretdi. İtalya Hükûmeti, bu karârnâmeye lüzûmsuz evrâkın tefrîk ve teslîmi husûsunda millî komiteye teshîlât gösterilmesini de ayrıca ilâve etdi. Millî komite de nezâretlerin ve meʼmûrîn-i hükûmetin muʻâvenet ve muzâheretiyle işe başladı. Toplama ameliyesi devâir-i âidesine mürâcaʻat ve devâirin muvâfakatını istihsâl, alınan mik- dârı tesellüm, depolara vazʻ, baʻdehû tefrîk, en yakın kâğıdcılara fürûht, esmânını kabz, muʻâmele-i hesâbiyeyi tesbît etmek gibi heyʼet-i umûmiyesi iʻtibârıyla pek çok saʻy ü gayreti istilzâm etmekdedir. Harb-i Umûmî'de başlayan bu toplama, harbin husûle getirdiği müzâyaka iʻtibârıyla devâir-i resmiye ve müessesât-ı husûsiyenin vatan-perverâne gayretleriyle fevkalâde netîceler vermişdir. Bundan mâʻadâ millî komite hükûmetin muʻâvenet ve muzâheretiyle başka teşebbüslerde de bulunmuşdur. Âtîde gösterilen üç teşebbüsün netîceleri İtalya Salîb-i Ahmer Cemʻiyetince kemâl-i şükrân ile kaydedilmekdedir: