HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 46 2168 Uyku için lâzım olan zamânı sinemada veya başka bir mahalde ifâte etmek cümle-i asabiye için tehlikeli bir hamâkatdir. Nightingale Madalyasının Üçüncü Defa Tevzîʻî Kadın hastabakıcılığı fedâkârlıklarına ebedî [376] ve lâ-yezâl bir misâl olan Mis Florence Ni- ghtingale'in 1 nâmını tezkâra vesîle olmak için vazîfesinde fevkalâde yararlık ve fedâkârlık gösteren hastabakıcılara verilmek üzere Beynelmilel Salîb-i Ahmer Komitesi “Nightingale Madalyası” nâmıy- la bir madalya ihdâs etmiş idi. Komite, 1920 senesinde birinci defa olarak Nightingale Madalyası'nı tevzîʻ etmiş ve ismi ile sîmâsı mahkûk olan işbu madalyanın resm-i tevzîʻini bir şöhret-i cihân-şümûle mâlik olan âlî-cenâb hastabakıcının yüzüncü sene-i devriye-i vilâdetine tesâdüf etdirmiş idi. 1921 senesinde inʻikâd eden Onuncu Beynelmilel Salîb-i Ahmer Konferansı'nda Fransız Salîb-i Ahmeri'nin teklîfi üzerine nâmzedler meyânına şân u şeref meydânında terk-i hayât edenlerin de ka- bûl ve idhâl edilmeleri taht-ı karâra alınmış idi. Cenevre Komitesi, madalyanın yevm-i tevzîʻinin Mayıs'ın on ikinci günü olarak muhâfaza edilmesine karâr verdiğinden işbu üçüncü yevm-i tevzîʻ de 12 Mayıs 1925 târîhinde icrâ edilmişdir Bu defa Nightingale Madalyası ile taltîf olunan kadın hastabakıcılarının mensûb oldukları memleket- lerin esâmîsi Fransızca elifbâ sırasıyla ber-vech-i zîrdir: Almanya, Avusturya, Belçika, İspanya, Cemâhîr-i Müttefika-i Amerika, Finlandiya, Fransa, Ja- ponya, Latvi, Lehistan, Sırbistan, Çekoslovakya'dır. Bunlardan Sırbistan Salîb-i Ahmer Hastabakıcısı Licobipa Lekoviç, bir general zevcesi olup Belgrad Merkez Askerî Hastahânesi'nden diploma aldıkdan sonra Balkan ve Sırp-Bulgar ve Cihân Harblerinde gerek Sırp ve gerek düşman ordularında fevkalâde yararlıkları görülmüş ve 1915 senesi bahârında îfâ-yı vazîfe esnâsında aldığı tifüsden vefât etmiş bir şefkat hemşîresi olup târîh-i vilâdeti 1858'dir. Ne kadar cüst ü çâlâk olursanız olunuz, tramvay giderken atlamayınız. Bir gün mutlak ezilirsiniz. Nightingale Madalyası, Salîb ve Hilâl-i Ahmer merkez-i umûmîleri tarafından merâsim-i mah- sûsa ile taʻlîk → 1 Florence Nightingale, bir İngiliz kızının ismidir. Bu muhterem kız, 1854 Kırım Muhârebesi'nde Alman usûlüne tevfîkan bir takım hastabakıcılar yetiştirerek harb mecrûhlarına kemâl-i mahâretle bakmağa muvaffak olmuş ve o zamândan iʻtibâren harb hastabakıcılığı, fennin terakkiyâtını taʻkîb ederek yavaş yavaş mühim bir meslek hâlini almışdır. Kırım Muhârebesi'nde Mis Nightingale, İstanbul'a gelerek hastahâneye ifrâğ edilen Selimiye Kışlası'ndaki yaralılara va hastalara fevkalâde hizmet etmişdir. Sâha-i harbde, cebhe gerilerinde bârgîr üzerinde hastahâneleri dolaşıp duran, melâhat, şebâb ve servetini, hâsılı bütün mâ-melekini beşerin âlâm ü ekdârını tesellî uğrunda fedâ eden Mis Nightingale, bu fedâkârlıkları dolayısıyla İngiltere'nin meşhûr sîmâlarından biri olmuşdur. 1907 senesinde Beynelmilel Salîb-i Ahmer Konferansı'nda Hilâl-i Ahmer murahhası olarak isbât-ı vücûd eden Mü- derris Doktor Besim Ömer Paşa, Mis Nightingale hakkında şöyle diyor: “-Bu muhterem kadını Londra Salîb-i Ahmer Konferansı'nda tanımak şerefine nâil oldum. Florence Nightingale, konferans salonuna ilk dâhil olduğu zamân, üç yüzü mütecâviz aʻzâ ayağa kalkmış ve kral hânedânına mensûb prensler bile bu eser-i ihtirâma iştirâk eylemiş idi. Nightingale, 1910'da vefât etmişdir.